Astanada eki kún ishinde 2400 adam ýaqytsha tirkeýge turdy

О́tken senbi, jeksenbi kúnderi Astanada 6500-den astam azamat tirkeýge tursa, onyń ishinde shamamen 2400 adam ýaqytsha tirkelgen, dep habarlaıdy Astana qalalyq IID baspasóz qyzmeti. Astana qalalyq IID bastyǵynyń orynbasary, polısııa polkovnıgi Batyrlan Esenbaıdyń aıtýynsha, turǵylyqty jeri boıynsha azamattardyń ýaqytsha tirkeýge turýy týraly kóshi-qon zańnamasyndaǵy jańa erejelerge baılanysty osy jyldyń 7-8 qańtarynda Kóshi-qon polısııasynyń qyzmetkerleri Halyqqa qyzmet kórsetý ortalyqtarynda azamattardy qabyldaǵan. «Halyqqa qyzmet kórsetý ortalyqtarynda halyqqa yńǵaıly jaǵdaı jasaý jáne azamattardyń tirkelý úderisinen jedel ótýin qamtamasyz etý maqsatynda qala, aýdandaryndaǵy halyqtyń tyǵyzdyǵyna baılanysty kóshi-qon polısııasynyń jumys orny tórtten altyǵa deıin ulǵaıtyldy. Demalys kúnderi Astana boıynsha jalpy 6500-den astam adam tirkeldi, onyń ishinde 2400 azamat ýaqytsha tirkeýge turdy», – dedi B. Esenbaı. Aıta keteıik, turatyn nemese ýaqytsha tirkeýge turý úshin páter ıesiniń (páter ıesi jeke kýáligimen ózi kelýi qajet) nemese páter ıesiniń senimdi tulǵasynyń kelisimi qajet. Sonymen qatar tirkelýshiniń jeke kýáligi men 226,9 teńge mólsherinde turǵylyqty mekenjaıǵa tirkelgendigi úshin memlekettik salyq tólegendigi týraly túbirtegi  qajet bolady.