Sanches Golovkınniń salmaq aýystyratyny týraly aıtty

WBA (Super), IBO, WBC jáne IBF nusqalary boıynsha álem chempıony Gennadıı Golovkınniń (36-0, 33 KO) jattyqtyrýshysy Abel Sanches óz shákirtiniń salmaq dárejesin aýystyratyny týraly málimdedi. Bul týraly vesti.kz habarlady. Onyń aıtýynsha GGG 168 fýntqa kóterilýi múmkin. «Golovkın úlken jekpe-jekter ótkizý úshin 168 fýntqa kóterilip, qaıtadan 160 fýntqa túskeni durys dep oılaımyn. Biraq menińshe, ol bir jarym jyldan keıin 168 fýntta qalyp, kil myqtylarmen aıqasady. Bálkim, úsh jyldan keıin 168-175 fýnt aralaǵyna toqtaýy múmkin» dedi Sanches. «Bul jerde promoýterler men menedjerlerdiń pikiri úlken ról atqarady. Olardyń usynysyna qarap, Golovkınniń karerasyna tıimdi jaǵyn tańdaıtyn bolamyz. Sonymen qatar, bul salmaqta tek qana sóz júzinde emes is júzinde de kelisimge kelip, úlken kezdesýler ótkize alatynymyz da mańyzdy bolmaq», – dep World Boxing News basylymyna suhbat berdi. Aıta keteıik, 18 naýryzda AQSh-tyń Nıý-Iork qalasynda qazaqstandyq bylǵary qolǵap sheberi amerıkalyq Denıel Djeıkobspen judyryqtasady.