Aptanyń ekonomıkalyq kúntizbesindegi mańyzdy 3 shara

9-13 qańtar aralyǵynda álemdik naryqqa aıtarlyqtaı ózgeris ákeletin 3 oqıǵany nazarlaryńyzǵa usynamyz. Federaldy qor basshylyǵynyń málimdemesi AQSh Federaldy qor júıesiniń basshylyǵy osy aptada kópshilik aldyna shyǵyp keler aıda dollardyń bazalyq ústemesiniń kóbeıer-kóbeımestigi týraly málimdeme jasaıdy, dep jazady amerıkalyq BAQ. Beısenbige deıin AQSh-tyń Boston, Atlanta, Fıladelfııa, Chıkago men Dallastaǵy ókildikteriniń basshylary baspasóz máslıhatyn ótkizse, beısenbige Federaldy qor prezıdenti Djannet Iellenniń baspasóz máslıhaty belgilengen. Aıta keteıik, 12-13 jeltoqsanda Federaldy qor ókilderi 2017 jyly dollardyń bazalyq ústemesiniń úsh ret kóterilýi múmkin ekenin aıtqan edi. Eger Federaldy qor bazalyq ústemeni úsh ret kóteretin bolsa, dollardyń ózindik quny sharyqtap, teńgeniń baǵamy da kóterilip ketýi ábden múmkin. Tramptyń baspasóz máslıhaty AQSh prezıdenttigine saılanǵan Donald Tramp sársenbi kúni óziniń prezıdent retinde alǵashqy baspasóz máslıhatyn ótkizedi. Investorlar osy sharada prezıdenttiń salyq reformasy, saqtandyrý naryǵy men AQSh-Qytaı qatynasy týraly jańalyqtarmen bólisetinin aıtady. Resmı túrde Tramp 20 qańtarda Aq úı tórine otyrady. Qytaı saýdasynyń málimetteri jarııalanady Juma kúni Qytaı úkimeti ótken jeltoqsandaǵy ishki-syrtqy saýdasy týraly naqty málimetterin jarııalaıdy. Aldyn ala málimetterge súıensek, qarashamen salystyrǵanda Qytaıdyń syrtqy saýda aınalymy jeltoqsanda 46,6 mlrd dollardan 46,5 mlrd dollarǵa azaıǵan bolýy múmkin. Al eksport kólemi shamamen 3,5 paıyzǵa tómendegen bolýy yqtımal. Al ımport, sarapshylardyń pikirinshe, 2,7 paıyz ulǵaıǵan bolýy tıis.