Dáriger qabyldaýyna – elektrondy kezekpen

Kimniń basy aýyryp, baltyry syzdamaıdy deısiz? Mundaıda attyń basyn emhanaǵa qaraı buratynyńyz anyq. Sol kezde aldyńyzdan uzyn-sonar kezek shyǵa keledi. Osy sátte bireýlerdiń kımelep alǵa shyǵyp, dárigerdiń qabyldaýyna kezegin saqtamaı, kirip ketýinen ártúrli túsinispeýshilikter men renishter de týyndap jatady. Keıingi kezde Oral qalasyndaǵy emhanalarda mundaı kórinister azaıyp keledi. Iаǵnı, atalǵan medısınalyq mekemelerge elektrondy kezek júıesiniń engizilýi turǵyndar kóńilin ornyqtyra bastaǵandaı. «Densaýlyq» memlekettik baǵdar­la­masy aıasynda qurylǵan qanatqaqty jo­banyń basty maqsaty – keleńsiz kezek pen qolaısyz jaǵdaılardy boldyrmaý. Bul joba emdelýshiler aǵymyn retteýge baǵyttalǵan. Jańa tártip boıynsha dárigerdiń qabyldaýyna kelýshiler elektrondy jáshikten túbirtek alady. Munda kórsetilgen nómir tablo men ekranda jarq ete qalǵan kezde, dárigerdiń qa­byldaýyna kirýge jol ashyldy dep esep­teı berińiz, dedi gazet tilshisine Ba­tys Qazaqstan oblystyq densaýlyq saq­t­aý basqarmasynyń basshysy Qamı­dol­la Irmenov. Oblys ortalyǵyndaǵy emhanalarda eń birinshi tirkeý jáne jalpy tájirıbelik dáriger bólimderine elektrondy kezek arqyly kirý joldary belgilenipti. Sodan soń jańa júıeniń aýqymy men legi birtindep kóbeıe bermek. Sonymen birge, emdelýshilerge órkenıetti medısınalyq qyzmet kórsetýdiń mundaı ómirsheń úlgisi emhanalardyń bólimshelerin de qamtymaq. Árıne, qatyp qalǵan esh­te­ńe joq. О́ńirdegi densaýlyq saqtaý sa­lasynyń basy-qasynda júrgender qa­nat­qaqty jobanyń tıimdi jáne tıimsiz tus­taryn tarazyǵa tartyp, soǵan saı ár em­hananyń ereksheligi men yńǵaıyna qa­raı elektrondy jáshikter qoıýdy oıla­s­ty­ryp otyr eken. Al tutastaı alǵanda, emhanaǵa qa­ra­­lý­shylardyń kezegin elektrondy túr­d­e ret­teýdiń artyqshylyǵy mol ekeni tala­ssyz. Buǵan qazirdiń ózinde tur­ǵyndar da, jobany iske asyrýshylar da kóz­de­rin aıqyn jetkize bastaǵan se­kildi. De­­genmen, osy arada I jáne II top­ta­ǵy múgedekter, aıaǵy aýyr analar jáne Uly Otan soǵysy ardagerleriniń dá­ri­ge­r­­diń qabyldaýyna kezeksiz kirý quqy saq­talyp qalǵanyn da aıta ketken jón. О́mir bir ornynda turmaıdy. Ol úne­mi alǵa jyljý ústinde. Sondyqtan da osy ómir kóshinen qalyp qoımaý úshin óńir­de emdelýshilerdi kezekke smartfon ar­qyly qoıýdyń mobıldi baǵdarlamasy da belgilenipti. Bul tásil qoldanysqa elektrondy jáshiktiń qyzmeti túbegeıli rettelgen soń engizilmek.  Temir QUSAIYN, «Egemen Qazaqstan» ORAL Sýrette: Elektrondy jáshikten túbirtek alý