Belarýs prezıdenti Aleksandr Lýkashenko AQSh pen EO elderi bastaǵan álemniń 80 eliniń azamattaryna elde bes kún boıy vızasyz júrýge múmkindik beretin Qaýlyǵa qol qoıdy, dep habarlaıdy BBC.
"Sheteldik azamattardyń kirip-shyǵýynyń vızasyz tártibin qurý týraly" qaýly bir aıdan keıin óz kúshine enedi, dep jazylǵan el prezıdentiniń resmı saıtynda.
Atalǵan jeńildikti Mınsk halyqaralyq áýejaıy arqyly kirgen azamattar qoldana alady. Vızasyz júrý merzimi atalǵan eldiń azamattary úshin bes kún.
Lýkashenkonyń resmı saıtynyń jazýynsha, atalǵan jańalyq elge sheteldik týrıster men kásipkerlerdi tartýǵa septigin tıgizbek.
Habarlamada aıtylǵandaı, atalǵan jeńildik Mınsk arqyly Máskeýge ushatyndarǵa qatysty emes. Sonymen qatar reseılik qalalardan ushyp kelgen azamattar qysqamerzimdi vızasyz rejımdi paıdalana alady.
