Lada-nyń barlyq úlgisi qymbattady

«AvtoVAZ» kólik jasaýshy kásiporny qańtarda Lada-nyń barlyq úlgisiniń baǵasyn kóterdi.  Jańa baǵa týraly málimet kompanııanyń saıtynda jarııalanyp otyr, dep habarlaıdy abctv.kz. Atap aıtqanda, bazalyq jıyntyqtaǵy Lada Granta 1,6%-ǵa (389,9 myń rýblge deıin), Lada Kalina - 1%-ǵa (439,9 myń rýblge deıin), Lada Priora - 2,8%-ǵa (399,99 myń rýblge deıin), Lada 4X4 - 2,2%-ǵa (475,9 myń rýblge deıin), Lada Vesta - 3,2%-ǵa (545,9 myń rýblge deıin), Lada Xray - 1,9%-ǵa (599,9 myń rýblge deıin) qymbattady. «AvtoVAZ» baspasóz ortalyǵy  qańtarda baǵanyń kóterilýine qatysty túsinik berýden bas tartty.  Eýropa bıznes qaýymdastyǵynyń málimeti boıynsha,  2016 jyldyń qańtar-qarashasynda «AvtoVAZ» 238,666 myń Lada kóligin satqan, bul  2015 jylǵy  dál osyndaı kezeńdegi kórsetkishten 2,8%-ǵa tómen. Degenmen  Reseıdegi  kólik óndirýshiniń saýdasy qarashada 18%-ǵa, 25,5 myń kólikke artqan. Jeltoqsannyń sońynda Samara oblysynyń gýbernatory Nıkolaı Merkýshkın «AvtoVAZ» saýdasy jeltoqsanda 18% shamasynda bolady dep aıtqan bolatyn.