Zań ústemdigine basymdyq – zaman talaby

Sondyqtan da Elbasy Nursultan Nazarbaev «100 naqty qadam» Ult josparynda zań ústemdigine aıryqsha mán bergendigi belgili. О́ıtkeni, «100 naq­ty qadam» – bul jahandyq jáne ishki syn-qaterlerge jaýap jáne sonymen bir mezgilde, jańa tarıhı jaǵdaılarda ult­tyń damyǵan memleketterdiń otyz­dy­ǵyna kirýi jónindegi jospar bolyp tabylady. Sonyń ishinde, ol elimizge «2050» Strategııasyn júzege asyrý men Qazaqstan memlekettiligin nyǵaıtýǵa, joldan adaspaýǵa, kúrdeli kezeńnen senimdi ótýge jaǵdaı týǵyzatyn berik­tik qoryn jasap beretin bolady degen se­nimdi de ornyqtyra túsedi. Al bul oraıda, zań ústemdigin ny­ǵaıtý barysynda tek sottardyń tó­re­lik etýi ǵana jaqsaryp qoımaǵany ras. Sonyń nátıjesinde quqyq qor­ǵaý organdarynyń qyzmet sapasy da arta tústi. Endi bul mereıli jetis­tik­terimizdiń odan ári jalǵasyn ta­ba be­rýi úshin zań ústemdigi naqty ómir­de túpkilikti ornyǵýy qajet.  Osy ba­­ǵyt­ta zańdarymyzdyń máni men maz­­muny, sapasy, negizgi maqsaty ýa­qyt talabymen úndesip, qajettilikke saı jaýapkershiligi de arta bergeni jón. Bu­lardyń qatarynda kóptegen zań­da­­rymyzdy ataýǵa bolady. Máselen, olar­dyń qataryna Eńbek, Memlekettik qyz­metshilerdiń ádep kodeksteri men zeınetaqy, saqtandyrý týraly, sy­baı­las jemqorlyqqa qarsy is-qımyl já­ne jergilikti polısııa qyzmetiniń ju­mys máseleleri boıynsha ózgerister men tolyqtyrýlar engizý jónindegi zań­dardy jáne basqalardy jatqyzýǵa bo­lady. Eńbek kodeksinde tyń jańalyqtar bar­shylyq. Joǵaryda aıtyp ótkeni­miz­deı, zańdardyń ústemdik alýy qashanda sol ýaqyt enshisi men talap múddesine saı kelýi kerek. Soǵan oraı bul Eńbek ko­deksinde  oń ózgeristermen qatar, ja­ńa talaptar da boı kóterdi. Máselen, on­da endi «óndiris jáne oryndalatyn ju­mys pen kórsetiletin qyzmet kólemi azaı­yp, uıymnyń ekonomıkalyq ja­ǵ­daıynyń nasharlaýyna» áser et­ken jaǵdaıda kelisimshart jumys be­rý­shiniń bastamasy boıynsha úzilýi múm­kindigi qaraldy. О́ıtkeni, Eńbek kodeksinde mundaı negizderdiń paıda bolýy «ekonomıkadaǵy qalyptasqan jaǵdaımen» baılanystyryla qaralyp otyr. Al elimizdiń memlekettik qyz­met­shileriniń Ádep kodeksinde memlekettik qyz­met atqarý qoǵam men memleket tarapynan erekshe senim bildirý bolyp tabylatyndyǵy jáne memlekettik qyzmetshilerdiń moraldyq-ádep­ti­­lik beınesine joǵary talaptar qoı­y­latyndyǵy aıtylady. Qoǵam mem­le­- k­et­tik qyzmetshi óziniń barlyq kúsh-ji­­gerin, bilimi men tájirıbesin ózi jú­zege asyratyn kásibı qyzmetine jum­saıdy, óziniń Otany – Qazaqstan Res­pýblıkasyna qaltqysyz ári adal qyz­met etedi dep senedi. Memlekettik qyz­metshiler óz qyzmetinde Qazaqstan Res­pýblıkasynyń Tuńǵysh Prezıdenti – Elbasy Nursultan Nazarbaevtyń saıa­sa­tyn qoldaýǵa jáne ony dáıekti túrde jú­zege asyrýǵa tıis. Kodeks halyqtyń memlekettik or­gandarǵa senimin nyǵaıtýǵa, mem­le­­ket­tik qyzmette ózara qarym-qa­ty­nastyń joǵary mádenıetin qa­lyp­tas­tyrý­ǵa jáne memlekettik qyz­met­shi­lerdiń ádep­ke jatpaıtyn minez-qu­lyq jaǵdaılary­nyń aldyn alýǵa ba­ǵyttalǵan. Memleket­tik qyzmetshiler Qazaqstan halqynyń birligi men el­de­gi ultaralyq kelisim­di nyǵaıtýǵa yq­pal etýge, memleket­tik jáne basqa til­derge, Qazaqstan halqynyń salt-dás­túrlerine qurmetpen qaraýǵa; adal, ádil, qarapaıym bolýǵa, jalpy qa­byldanǵan moraldyq-ádeptilik nor­malaryn saqtaýǵa, azamattarmen já­ne áriptesterimen qarym-qatynas­ta sy­paıylyq pen ádeptilik tanytý­ǵa; óz­deri qabyldaıtyn sheshimder­diń zań­dylyǵy men ádildigin qamtama­syz etýge; shyndyqqa sáıkes kelmeıtin málimetterdi taratpaýǵa; iskerlik ádepti jáne resmı minez-qulyq qaǵıdalaryn saqtaýǵa tıis. Sol sııaqty endi «Saqtandyrý qyz­me­ti týraly» Zań boıynsha jol apatynan kó­­likke kelgen zııandy saqtandyrý kom­pa­nııalary baǵalasa, «Sybaılas jem­qor­lyqqa qarsy is-qımyl týraly» Zań boıynsha memlekettik mekemede jaqyn týys­tardyń birge qyzmet isteýine jol be­rilmeıdi. Mine, munyń bári qa­zirgi ýa­qytta el aldyna qoıylǵan min­det­terdi tal­apqa saı júzege asyrý úshin asa qajetti ustanymdar bolyp tabylady.

Aleksandr TASBOLATOV,

«Egemen Qazaqstan»