Aqtútek

Jýyqta aýa raıynyń kúrt ózgeretinin eshkim de boljaı almaǵan-dy. Saǵat onǵa taıaý Jol­nusqaý aýylynyń turǵyndary Shaısoltan Sár­sekov pen Muratbek Ibraevtar zaıyptaryn jan­daryna alyp, О́skemende qaıtys bolǵan týys­tarynyń janazasyna qatysý úshin «Nıva» kóli­gi­men jolǵa shyqqan bolatyn. Aqsýat-Kúrshim trassasyna on shaqyrymdaı jer qalǵanda ba­ǵanadan jaıaý borasyndatyp turǵan jel kenetten kúshine minip, jaqynda ǵa­na jaýǵan qardy burqyratyp, tú­tep jóneldi. – Tútegende ke­remet, – dep eske alady Shaısoltan, – aınala túk kórinbeı ketti. Máshınemiz turǵan ornynda aınalyp, batty da qaldy. Sol otyrǵannan birneshe saǵat boıy esikten syǵalaı almaı, pushaıman kúıge ushyradyq. Aqyry, boran sál tolastaǵanda birer shaqyrym jaıaý jú­rip, baǵymyzǵa oraı, uıaly telefon habar ala­tyn jerge dóp tústik. Qalta telefonymyzben О́skemendegi balalarǵa habar berip, jaǵd­aıy­myz­dy jetkizdik. Sóıttik te, áýpirimdep m­á­shınemizge qaıttyq. Balalar Jolnusqaýǵa telefon shalyp, myna tótenshe jaıdan qulaǵdar bolǵan aýyl tur­ǵyn­dary T.Qadroldın, S.Týashev, D.Ámirenov, B.Nur­jaqypov, A.Erbolatov, E.Sársekov, B.Má­met­qa­lıev, T.Ibraevtar eki «Ýazıkpen» qama­l­ǵan aýyl­dastaryn izdeýge shyǵady. Biraq olar­dyń qar ba­syp qalǵan izimen qýatty ÝAZ-dar da júre al­maıdy. Budan soń olar qaıta oralyp, muz ar­qy­ly Aqsýatqa jetedi. Onda belgili azamat A.Nu­rıevqa jolyǵyp, bolǵan jaıdy baıan­daıdy. Aıbolat dereý eki katamaranmen A.Qa­ıyr­ǵazyuly, O.Jumaǵulov degen azamattardy jolǵa shyǵa­ryp, ózi de jigittermen birge at­tanady. Sonymen birge ol Kúrshimge telefon shalyp, qaterli jaǵdaıdy málim etedi. Bul ha­bardy alǵan boıda aýdandyq ákimdiktiń tóten­she jaǵdaılar jónin­degi mamany T.Elshibaev dabyl qaǵyp, ÝAZ avtomobılimen, kom­mý­naldyq sharýa­shy­lyqtyń trak­to­ry­men jolǵa shy­ǵa­dy. Tútegen boranda túnimen uıqy-kúlkisiz mań dalany shar­la­ǵan joqshylar tańǵy saǵat beste qarǵa maltyǵyp, dármensiz kúıde turǵan «Nıvanyń» ústinen túsedi. Sóıtip, ondaǵy tórt adam der kezinde aman-saý qutqaryldy. – Abyroı bolǵanda benzınimiz tolyq edi, – deıdi Sh.Sársekov, – sonyń arqasynda úsikke shalynýdan aman qaldyq. Benzın taýsylyp qal­sa, on jeti saǵat boıy qar qursaýynda otyrǵan bizdiń tiri qalýymyz neǵaıbyl edi. Osy eki otbasynyń atynan kún-tún demeı shapqylap, bizdi oılaýmen bolǵan, sóıtip, aman alyp qalǵan barsha azamattarǵa, aýdan basshylyǵyna shyn kóńil­den shyqqan alǵysymdy bildiremin! Bar­lyǵyna baqyt, ıgilik tileımin! Mundaı qıyn­shylyqty eshkimniń basyna bermesin, – deıdi ol! Hasen ZÁKÁRIIа, jýrnalıst. Shyǵys Qazaqstan oblysy, Kúrshim aýdany.