Tal ekken taldy kespeıdi

«Tabıǵat» ekologııalyq odaǵynyń tóraǵasy prezıdenttikten úmitker Mels Eleýsizov Aýyl sharýashylyǵy mınıstrliginiń Orman jáne ańshylyq sharýashylyǵy komıtetinde bolyp, atalǵan qurylymnyń oblystyq basqarmalarynyń basshylary­men kezdesý ótkizdi. Kezdesý barysynda Mels Ham­zauly elimizdi jasyl jelekpen jamyldyrý isimen tek mamandar aınalysýy jetkiliksiz, oǵan búkil el jumylýy tıis. Ásirese, oǵan óskeleń urpaq, jas­óspirimderdi tartýdyń mańy­zy zor, dedi. Osyǵan baılanysty elimizde jyl saıyn arnaıy aksııa uıymdastyrylýy qajetti­gin aıtqan ol elimiz táýelsizdiginiń 20 jyl­­dyǵyna baılanysty ak­sııa­ny bastaýǵa shaqyrdy. Árıne, Otanymyzdyń ulan baıtaqtyǵyna baılanysty, kók­tem dalaǵa árkelki keledi. Son­dyq­tan qar jamylǵysyn tasta­ma­ǵan jerlerde ony ót­kizýdiń tıimdi joly bar, dep О́skemen qalasyndaǵy bir mek­teptiń ádi­sin ortaǵa saldy. О́skemen­dik oqýshylar kóshet­terdi kún jy­lynǵansha ydys­tarǵa salyp ósi­rip, baǵyp, kú­tip, al jer daıyn boldy-aý degende baryp qana otyrǵyzady eken. Osy­laısha balalar aǵash kútimine tartylady, al tal ekken taldy kespeıdi, endeshe, biz budan utatyn bolamyz. Jasyl jelekti kútip, baptap ósi­retin býyn tárbıelep shyǵa­myz, dedi prezıdenttikten úmitker. Jalpy, aǵash otyrǵyzýdy dás­túrge aınaldyrý mádenıe­tin qalyptastyrý óte mańyzdy, degen kandıdat, máselen, jas jubaılar alǵash otaý qurǵan­da­ryna, kishkentaı bóbekteriniń dúnıege kelgenine arnap aǵash ekse qalalarda tu­tas­taı qala­lyq  «Jas jubaılar» saıabaqtary da ómirge keler edi, degen pikirin bildirdi. Sonymen qatar ómirden ozǵan jaqyndarymyzǵa arnap nege aǵash otyrǵyzbasqa? Men ózim dál osylaı jasadym. Kóz jumǵan dosymnyń qurmetine úıimniń janyna aǵash ektim. Qazir qasynan ótken saıyn, butaqtary keıde ózimdi janap ketkende dosymdy árkez esime túsiredi. Eldi jasyl jelekke malyn­dy­ryp qoıý qazaqstandyqtardyń qo­ly­nan keletin is, al osylaı jasalsa, bul sizderdiń jumysta­ry­ńyzǵa da oń yqpalyn tıgizedi. Jáne memleket tarapynan orman sharýashylyqtaryna kómek qal­dyq qaǵıdatymen jasalmaýy tıis. Keń mólsherde memleket kór­set­ken qamqorlyq órtengen or­man al­qap­taryn tezirek qalpyna keltiredi, dedi prezıdenttikten úmit­ker Mels Eleýsizov. Anar TО́LEÝHANQYZY, Astana.