Bizdiń akademııany bilesiz be?

Eli­miz­degi bedeldi, memleke­ti­mizdiń ekonomı­ka­lyq qaýip­sizdigin qam­tamasyz etýge beıindi oqý oryn­darynyń biri – Ekono­mı­ka­lyq qylmysqa jáne sybaılas jem­qor­lyqqa qarsy kúres agenttigi ja­nyndaǵy Qar­jy polısııasy akade­mııasy sońǵy on eki jyldyń aıa­synda joǵary bilikti qarjy po­lısııasy men keden qyzmeti ma­man­daryn daıarlap shyǵarýda. Jyl saıyn akademııa tyńdaý­shy­lary­nyń qa­tary 120 shákirtpen toly­ǵyp, olar qu­qyq­taný, quqyq qorǵaý qyzmeti jáne keden isi maman­dyq­tary boıynsha dáris alady. Qarjy polısııasy akademııa­synda oqý merzimi – 4 jyl. Oqýdy támamdaǵan sol tıisti mamandyǵy boıynsha bakalavr dárejesine qosa qarjy polı­sııa­synyń nemese keden qyzmetiniń leı­te­nanty sheni beriledi. Sondaı-aq, ma­man­dyǵyn kóterip, kásibı biligin jetildire túsý úshin oqý ornynan magıstr dáre­jesin alyp, ekonomıkalyq qaýipsizdik pen sybaılas jemqorlyq máselelerin tereńirek zertteý maq­sa­tynda fılosofııa doktory dárejesin qorǵaýǵa bolady. Kitaphana qorynda jalpy jáne arnaýly ádebıettiń mol bolýy bolashaq mamandardyń akade­mııa­lyq úderiske ete­ne aralasyp, tyń­ǵylyqty bilim alyp shyǵýlaryna múmkindik beredi. Akademııanyń eldiń basqa, so­nyń ishinde, salalyq oqý oryn­dary­nan erek­­she bir aıyrma­shy­ly­ǵy – qu­qyq­tyq pánderge qosa ekonomıkalyq sa­baq­tardyń úles salmaǵy basym. Eko­no­mıkalyq ter­geý jáne jedel eko­no­mı­kalyq mamandaný jónindegi arnaýly sabaq­tarǵa qosa sap qurap júrý, qarý atý mashyqtaryna jete mán beriledi. Akademııada oqýǵa ta­laptanǵan túlekterdiń jasy 16-ǵa tol­ǵan, dene-bitimi shy­myr ári densaý­lyq­tary myqty bolý­ǵa tıis. Oqýǵa túser kezde, aldymen, jeke is paraǵyn jınaý úshin jergilikti keden isi men qarjy polısııasyna barý qajet. О́ıtkeni, úmit­ker týraly málimetter jınaý jáne me­dı­sınalyq tekserýden ótý syndy ju­mys­tarǵa shamamen 1-2 aı ýaqyt ketedi. Son­dyq­tan aýmaqtyq organ­darǵa naýryz aıynan qalmaı bar­ǵan abzal. Budan keıin kandı­dat­tyń jeke is paraǵy Akade­mııa­nyń qabyldaý komıs­sııa­sy­na jiberiledi. Komıssııa qabyldaýy jyl saıyn 1-9 shilde aralyǵynda úsh kezeń bo­ıyn­sha júrgiziledi. Birinshi kezeń­de medı­sı­na­lyq jáne jeke kór­set­kish­ter boıyn­sha irikteıdi; ekinshi ke­zeń­de úmitkerler UBT nemese keshendi testileý qorytyn­dylary (testi­­leýdiń tórtinshi páni – Búkil álemdik tarıh) boıynsha irikteledi; úshin­shi kezeńde irikteý nátıjesi bo­ıynsha qabyldaý komıssııasy tyń­­daý­­shylar qataryn suryp­taı­dy. Kon­­kýrs­tyq irikteý kezinde «Al­tyn belgini» ıelený, halyq­aralyq, res­pýb­lıkalyq olım­pıa­da­lary men ǵy­lymı saıys­tarda jeńimpaz bolý syn­dy oqýdaǵy jetistikter de eskeriledi. Akademııa týraly tolyqqandy aq­paratty qarjy polısııasy akade­mııa­synyń www.academfinpol.kz nemese Eko­nomıkalyq qylmysqa jáne sybaı­las jemqorlyqqa qarsy kúres agent­tiginiń veb-saıtyndaǵy (www.finpol.kz) «Qarjy polısııasy akademııasy» bóli­minen nemese qarjy polısııasy jáne keden qyzmetiniń aýmaqtyq organyna habarlasý arqyly alýǵa bolady. Ábdiráli BО́LEBAI, Qarjy polısııasy akademııasy baspasóz qyzmetiniń jetekshisi. Astana.