«Teatr kóktemi-2011» festıvali sahna sańlaǵy Ydyrys NOǴAIBAEVQA arnaldy

M.Áýezov atyndaǵy akademııalyq drama teatry kezekti «Teatr kóktemi – 2011» festıvalin bıyl KSRO halyq ártisi, Memlekettik syılyqtyń laýreaty Ydyrys Noǵaıbaevtyń 80 jyldyǵyna arnamaq. Jyl saıyn Naýryz merekesi men 27 naýryz halyqaralyq teatr kú­nine oraı uıym­dasty­rylatyn, jańa qoıy­lym­dar festıvali osy­men 12 ret ótkeli otyr. Bul shara – teatrdyń búgingi baǵyt-baǵdaryn anyqtaýǵa, repertýar saıa­­­satyndaǵy ózindik izdenister men dramatýrgııa, rejıssýra, akter ónerine shabyt berip, olardyń jańa qyrynan tanylýyna múmkindik beredi», – deıdi teatr dırektory Esmuhan Obaev. Sonymen qatar, ol bıylǵy sharada akterlik sheberlikke asa mán beriletindigin jáne 5 atalym bo­ıynsha marapattaý rásimi ótetindigin aıtyp ótti. Sondaı-aq, mádenıetke qoldaý kórsetip, teatr ja­ıynda únemi jazyp júrgen jýrnalıster de ma­rapat­qa ilinetindigin jetkizgen. – Bıyl Y.Noǵaıbaevtyń tý­ǵanyna 80 jyl tolady. Sol mereıli toıdyń bet­asharyn osy festıvalmen bastap, kúzge qaraı teatry­myzda  ótkizbekpiz. Ol kisi qazaq kınosyn, Áýezov teatryn álem­dik deńgeıde tanyt­qan kórnekti akter, dedi jýrnalısterge ber­gen suh­­batynda. Sonymen jańa qo­­ıylymdardy sa­rap­­qa salyp, teatr­dyń bú­gingi baǵyt-baǵ­­daryn anyqtaýǵa, repertýar saıasatyn­daǵy ózindik izdenisterge, dramatýrgııa, ak­ter­lik óner­diń búgini men erteńin zerdeleýge septesetin «Teatr kók­te­mi-2011» festıvali de bastalyp ketti. 28 naýryzǵa deıin ótetin festıval reper­týa­rynda M.Áýezovtiń «Abaı» (rej. E.Obaev) men «Eńlik-Kebek» tragedııasy (rej.Huseıin Ámir-Temir), N.Gogoldiń «Úılený» (rej. V.Zaharov), Á.Rahımovtyń avtory da, rejısseri de ózi  «Qylmyskerge kýálik», E.Jýasbektiń «Kúlemiz be, jylaımyz ba?» (rej. M.Ahmanov) komedııalary bar. Aınash ESALI, Almaty.