Koreıalyq bank Sentrkredıt bankiniń aksııalaryn satpaqshy

Koreıalyq Kookmin Bank qazaqstandyq «Sentrkredıt» (BSK) bankindegi óz úlesin satýǵa nıetti, dep habarlaıdy Qazaqparat.  Basylymnyń habarlaýynsha, jeksenbi kúni koreıalyq bank osy aptada Qazaqstanda ótetin dırektorlar keńesinde «Sentrkredıt» bankindegi aksııalaryn satý jóninde kelissózder júrgizetinin rastaǵan. Kookmin Bank (Kýkmın bank) – aktıvter kólemi men naryqtyq kapıtaldandyrý boıynsha Ońtústik Koreıanyń iri bankteriniń biri. BSK Kookmin Bank úlesi 41,9% quraıdy. BSK 41,9-paıyzdyq úlesin koreıalyq bank 2008 jyly 939,2 mlrd vonǵa satyp alǵan. Búkilálemdik bank tobyna kiretin IFC halyqaralyq qarjy korporasııasy birlesken ınvestor retinde mámilege qatysty. Korporasııa BSK-nyń 10-paıyzdyq úlesine ıe. 2010 jyly 19 tamyzda Koreıa qarjylyq baqylaý qyzmeti Kookmin Bank basshylary men qyzmetkerlerine bankti basqarýda jiberilgen qatelikter men keltirilgen shyǵyndar úshin aıyppul saldy. Atap aıtqanda, Kookmin Bank 2008 jyly – jahandyq daǵdarys kezinde BSK aksııalaryn satyp alǵany úshin aıyptaldy. Sonyń saldarynan banktiń birinshi jetekshisi Kang Chýng Von 2010 jyly óz laýazymynan bosatyldy. Centercredit Bank Qazaqstannyń bank sektorynda úzdik oıynshylardyń bestigine enedi. «Álemdik qarjylyq daǵdarys ıpotekalyq bızneske belsene aralasqan bankke óz zalalyn tıgizbeı qoımady. 2014 jyly Qazaqstandaǵy teńge devalvasııasynan keıin Kýkmın banktiń BSK aksııalarynyń quny odan ári quldyraı tústi», – delingen maqalada.