Qashaǵanda «Bolashaq» jerústi kesheniniń qurylǵysy synaqtan ótti

Qashaǵan teńiz ken ornynda munaı óndirisin qaıta bastaý aldynda «Bolashaq» munaı jáne gaz daıyndaý qondyrǵysy synaqtan ótti, dep habarlady QR Energetıka mınıstrliginiń baspasóz qyzmeti. «Munaı óndirisi toqtap turǵanda, «Bolashaq» jerústi kesheniniń barlyq jabdyǵy konservasııa jaǵdaıynda turdy. Munaı óndirisi qaıta jańǵyrtylǵanda, jabdyqtar men qubyr jelilerin tehnıkalyq tekseristen jáne synaqtan ótkizý boıynsha is-sharalar kesheni júzege asyryldy. Qubyrlardy odan ári paıdalaný tehnıkalyq qyzmet kórsetý men josparly aldyn alý jumystarynyń bekitilgen kestesine sáıkes iske asyrylatyn bolady», - delingen habarlamada. Eske sala ketsek, «Bolashaq» jerústi kesheni 2013 jyly, Qashaǵan ken ornynda munaı óndirý jumystary bastalǵanda paıdalanýǵa berildi. Alaıda, ken ornynan shıkizat tasymaldaıtyn qubyr jelilerinen aqaý shyǵyp, munaı óndirisi toqtap qaldy. Ol 2016 jyldyń qyrkúıeginde qaıta qalpyna keltirildi. Qańtar aıynyń basynda Qashaǵanda munaıdyń alǵashqy mıllıony óndirildi. Onyń eksport aldyndaǵy daıyndyǵy «Bolashaq» jerústi kesheninde júrgizildi.