ShQO-da alpysqa jýyq adam qar qursaýynan qutqaryldy

Demalys kúnderi Shyǵys Qazaqstan qutqarýshylary 60-qa jýyq adamdy qar basqan joldardan alyp shyqty, dep habarlady TJ departamenti. Jarma aýdanynda «Shar-Baqyrshyq» jol bóliginde turyp qalǵan adamdarǵa kómek kórsetildi. Olardy Shyǵys aımaqtyq aeromobıldi jedel qutqarý jasaǵy kórshiles Shalabaı eldi mekenine jetkizip saldy. Jalpy sany 48 adam jáne 3 sábı qutqaryldy. Jolda 16 jeńil kólik jáne 7 dana júk kóligi qaldy. Sonymen birge, ShAAJQJ ekinshi toby «Semeı-О́skemen» jol bólgindegi úsh azamatty Prıvolnoe aýylynyń medısınalyq-qutqarý bólimine jetkizdi. «О́skemen-Almaty» jolyndaǵy jolaýshylar da kómekke muqtaj edi. ShQO TJD «О́rt sóndirý jáne apattan-qutqarý jumystary qyzmetiniń» órt sóndirýshileri arnaıy tehnıkamen 3 adamdy Qalbataý aýylyna apardy. Jolaýshylar arasynda zardap shekkender joq. Quzyrly organ ókilderiniń habarlaýynsha, demalys kúnderi qatty boran men joldyń kórinbeýinen birqatar joldar jabylǵan. ShQO TJD qyzmetteri turǵyndarǵa jol jaǵdaıyn aldyn ala eskertti.