Munaı baǵasy aptany jaıly bastady

London bırjasynda Astana ýaqytymen tańǵy saǵat 11:00-de Brent markaly munaıy barreline 55,46 dollarǵa kóterildi. О́tken apta, 20 qańtar kúni Astana ýaqytymen túski 13:00-den keshki 21:00-ge deıin qara altynnyń Brent markasy 54,45 dollardan 55,40 dollarǵa deıin kóterilgen edi. Al búgin munaıdyń WTI markasynyń baǵasy barreline 53,16 dollarǵa jetti. О́z kezeginde teńgeniń dollardyń ortasha baǵamy 331,66-ny qurady. KASE aqparatyna sáıkes, AQSh dollaryna qatysty saýdanyń tómengi kýrsy 331,30 teńgeni qurady. Joǵarǵy kýrs – 332,00 teńge, saýdanyń aıaqtalýy kezinde 331,30 teńge boldy. Tańǵy sessııada saýda kólemi 44 mln 050 myń dollar boldy. Valıýta operasııasyna baılanysty kelisim sany — 103. Aqsha aıyrbastaý oryndarynda 23 qańtardaǵy dollardyń joǵary kýrsy (Almaty ýaqytymen – 11:00) Almatyda 331,8 teńgeni quraǵan. Aıta keteıik, 2016 jyldyń 5 qańtarynan bastap shetel valıýtalaryna qatysty teńge kýrsyn belgileý týraly erejege ózgerister men tolyqtyrýlar engizildi. Endi dollarǵa qatysty teńgeniń ortasha resmı baǵamy Qazaqstan qor bırjasyndaǵy tańǵy jáne kúndizgi sessııa qorytyndysy boıynsha belgilenedi.