2017 jyly Qazaqstan Reseıge 12 mlrd tekshe metr gaz jetkizedi

2017 jyly Qazaqstan Reseıge 12 mlrd tekshe metrden astam gaz jetkizedi. Bul týraly Astanada ótken «QazMunaıGaz» UK AQ jáne «Gazprom» JAQ (jarııa aksıonerlik qoǵam) arasyndaǵy kelissózder qorytyndysynda belgili boldy, dep habarlady «QazTransGaz» baspasóz qyzmeti. «Gazprom» men «QazTransGaz» jyl saıyn eksporttalatyn gaz kólemin arttyrýda. Reseıge jylyna 12,8 mlrd. kólemde gaz eksporttaý týraly ýaǵdalastyqtyń otandyq gaz salasy úshin strategııalyq mańyzy bar. Buryn qol jetkizgen Qazaqstan men Reseı arasyndaǵy úkimetaralyq kelisimderdi júzege asyrý maqsatynda «QazMunaıGaz» UK AQ jáne «Gazprom» JAQ dástúrli túrde birikken konsýltasııalar ótkizip turady jáne uzaq merzimdi kezeńge yntymaqtastyqtyń negizgi baǵdaryn anyqtaıdy. Búginde gaz boıynsha ulttyq operatorǵa aınalǵan QazTransGaz taýarlyq gazdaǵy ishki qajettilikti tolyq ótep, eksporttyq áleýetti arttyrýda jáne otandyq gaztransporttyq ınfraqurylymdy damytýda.