AQSh prezıdenti Donald Tramp AQSh-tyń Trans-tynyq muhıty áriptestigi saýda uıymynan shyǵatyny týraly Qaýlyǵa qol qoıdy, dep jazady BBC.
Tramp óziniń saılaýaldy baǵdarlamasynda da prezıdent bolsa, aldymen AQSh-ty osy uıymnan alyp shyǵatynyn málimdegen. Onyń pikirinshe, 12 eldiń birlesken bul saýda uıymy AQSh ekonomıkasy úshin keri áser etýde.
Esterińizge sala keteıik, Azııa men Amerıka elderiniń qurǵan Trans-tynyq muhıty áriptestigi Obama saıasatynyń basym baǵyttarynyń biri bolǵan.
Tramptyń oıynsha, ol uıymnan góri oǵan múshe memlekettermen jeke-jeke kelisimge kelý AQSh ekonomıkasy úshin anaǵurlym tıimdi bolmaq.
Aıta keteıik, 2016 jyldyń aqpanynda qurylǵan Azııa-Tynyq muhıty óńiriniń 12 eli birigip qurǵan saýda uıymyna Japonııa, Kanada, Avstralııa, Jańa Zelandııa, Meksıka, Perý, Chılı, Malaızııa, Brýneı, Sıngapýr jáne Vetnam kiredi. Bul elder álem ekonomıkasynyń 40 paıyzyna ıe.
