Djeıkobs Golovkınge qarsy kezdesý jaıly óz oıymen bólisti

WBA (Regular) belbeýiniń ıegeri Denıel Djeıkobs (32-1, 29 KO) qazaqstandyq Gennadıı Golovkınmen (36-0, 33 KO) jekpe-jegine arnaǵan arnaıy jospary baryn málimdedi. Bul týraly vesti.kz habarlady. «Oıymnyń bári 18 naýryzdaǵy boks keshi jaıly. Kópten bergi armanym júzege asaıyn dep tur. Keı boksshylar ómir boıy osyndaı aıtýly jekpe-jekti ótkize almaı keledi. Buǵan deıin kórgen qıyndyqtarym rýhanı bolmysymdy qalyptastyrdy», – dedi ol. «О́limmen betpe-bet keldim dep aıta alamyn. Sondyqtan Golovkınge qarsy kezdesýde eshnárseden aıanbaımyn. Ol qarsylasyna úlken qysym jasap, moraldyq jáne fızıkalyq turǵyda saǵyn syndyryp, sońynda ádemi núktesin qoıady. Biraq mende oǵan qarsy turatyndaı tamasha strategııa, máner jáne kúsh bar», – dedi Djeıkobs RingTV arnasyna bergen suhbatynda. Aıta keteıik, Golovkın men Djeıkobs arasyndaǵy jekpe-jek 18 naýryzda Nıý-Iorktegi Madison Square Garden arenasynda ótedi.