Ońtústik Qazaqstanda jańa zaýyt iske qosyldy

Shymkentte polıýretandy ortopedııalyq buıymdar jasaıtyn zaýyt iske qosyldy, dep habarlady 24.kz. Kásiporyn medısınaǵa qajetti 17 túrli ónim shyǵarady. Máselen, túrli-tústi dákeden bastap, súıekti qozǵaltpaı ustap turatyn qursaýǵa deıin ázirleıdi. Ol gıpsten 14 ese myqty ári jeńil, elastıkalyq ıilgish, sondaı-aq qurǵaq jerde tez qatatyn qasıeti bar. Jalpy quny 300 mln teńgeden asatyn kásiporynda 50 adam jumys isteıdi. Ońtústikkoreıalyq tehnologııamen jasalyp jatqan otandyq ónimniń TMD elderi aýmaǵynda balamasy joq. «Marai E7 Group» zaýyty bıyl «SQ-Farmasııa» JShS-men 10 jylǵa uzaq merzimdi kelisimge qol qoıǵan. Bolashaqta otandyq ónimdi ishki naryqpen qatar Túrkııa, О́zbekstan jáne Qyrǵyzstan elderine eksporttaý josparda tur. «Sýdan, ylǵaldan qoryqpaıdy ári rentgen sáýlesin 100 paıyz ótkizedi. Allergııalyq qyshý dene qyshýyna ákelip soqtyrmaıdy. Sý bolmaǵan jerde aýadan ylǵal alyp, ózi qataıatyn qasıeti bar», – dedi kompanııa basshysy Gúlııa Júzenova.