Jańa anyqtama beretin ýaqyt

Keshe Aqordada Memleket basshysy Nursultan Nazarbaev EQYU Parlamenttik Assambleıasynyń Bas hatshysy Robert Spenser Olıverdi jáne EQYU Parlamenttik Assam­bleıa­sy delegasııasynyń basshysy – EQYU-nyń qysqa merzimdi baıqaýshylarynyń Arnaıy úılestirýshisi Tonıno Pı­sýlany qabyldady, dep habarlady Qazaqstan Respýb­lı­ka­sy Prezıdentiniń baspasóz qyzmeti. Áńgime barysynda Qazaq­stan­da ótetin aldaǵy prezıdenttik saılaýdyń máselesi talqy­landy. – Sizdi Qazaqstannyń EQYU-ǵa tóraǵalyǵynyń mazmundy baǵdarlamasynyń tolyq tabys­ty ótýimen quttyqtaǵym keledi. Men bul máseleni Venada bizdiń sońǵy sessııamyzda kótergen edim. Bul – óte mańyzdy is-shara. Sondyqtan jetpisinshi jyldan beri, burynǵy KSRO-nyń qu­ramyn­da bolǵan bir ǵana el, álemdegi eń iri uıymdy tolyq­qan­dy basqardy. EQYU – kólemi boıynsha BUU-dan keıingi ekinshi halyqaralyq uıym jáne qaýip­sizdik máselelerimen aına­ly­satyn álemdegi eń úlken uıym. Buryndary biz EQYU-ny «Shyǵystan Venaǵa deıin, Venadan Batysqa deıin» dep jıi aıtyp keldik. Búginde EQYU-ǵa «Astana Sammıtine deıin jáne Astana Sammıtinen keıin» dep, ýaqyttyń ólshemi boıynsha jańa anyqtama beretin ýaqyt keldi. Bul qozǵalysqa Qazaqstan jáne Siz basshylyq jasadyńyzdar, – dep atap ótti kezdesýde T.Pısýla. – Men kóptegen saılaýdy baıqaýǵa qatystym. Solardyń alǵashqysy 1994 jyly Qazaq­standa ótken saılaý edi. Sodan beri men sizderdiń respýblıka­laryńyzdan únemi órleý kóre­min, – dedi kezdesýde R. Olıver. – Biz Parlamenttik Assam­bleıa­nyń bizdiń EQYU-ǵa tóraǵa­lyq etýimizdegi jáne EQYU Sammıtin Astanada ótkizýimizdi qoldaýdaǵy rólin joǵary baǵalaımyz. Biz tóraǵalyq kezinde úlken ister atqardyq, sammıtti ótkizý jáne deklarasııany qa­byldaý úshin de kóptegen jumys­tar jasaldy. On bir jyl boıy memleket basshylary deńgeıinde bas qospaı kelgen EQYU-nyń qyzmetin jandandyrýǵa jańasha serpin berdik dep sanaımyn, – dep atap kórsetti Memleket basshysy. – Biz aldaǵy kezekten tys prezıdenttik saılaý halyq­ara­lyq standarttarǵa sáıkes óte­ti­nine senimdimiz, – dedi kezdesýden keıin jýrnalısterge arnal­ǵan brıfıng barysynda EQYU Parlamenttik Assambleıasy de­le­gasııasynyń basshysy T.Pısýla. Budan buryn habarlanǵanyn­daı, bıylǵy jylǵy 3 naýryzda «Nur Otan» HDP Ortalyq apparatynda bolǵanynda, Prezıdent belsendi saılaýaldy úgit-nasıhat jumystaryn júr­giz­beıtinin, al memlekettik saıasat­ty iske asyrýda ózekti másele­lermen aınalysatynyn atap ót­ken bolatyn. Nursultan Nazarbaev sondaı-aq saılaýaldy ke­zeń­de qoldanystaǵy zańnamany qatań saqtaý qajettigin atap ót­ken. Memleket basshysy barlyq deńgeıdegi ákimderdiń nazaryn saılaý zańnamasyn saqtaý qa­jet­tigine aýdarǵan. Barlyq memlekettik bılik organdary saılaý naýqanynyń barysyna aralaspaı, tek óz isterimen shuǵyl­danýlary kerek. Prezıdent Bas prokýratýraǵa zańnamanyń saq­ta­lýyn qadaǵalaýdy qamtamasyz etýdi, saılaý týraly zańnama­nyń buzylǵandyǵy jaıly sha­ǵymdar men ózge ótinishter týra­ly derekterge jedel nazar sa­lyp, qandaı da bir quqyq buzý­shy­lyq derekteri oryn alǵan jaǵdaıda ony tez arada joıyp, bul rette prınsıptilik tany­týlary qajettigi týraly tap­syr­ma bergen. Memleket bas­shy­sy saılaýǵa baqylaý jasaý jáne qoǵamdyq baqylaýdy qamta­ma­syz etý qajettigin atap kórset­ken.