Tyǵyz yntymaqtastyqqa jańa serpin

Keshe Qazaqstan Respýblıkasy Parlamenti Májilisiniń Tóraǵasy Oral Muhamedjanov EýrAzEQ Parlamentaralyq Assambleıasynyń baıqaýshylar mıssııasy ókilderin qabyldady, dep habarlady osy palatanyń baspasóz qyzmeti. Kezekten tys prezıdenttik saı­laýǵa EýrAzEQ PAA tara­pynan baıqaýshy bolyp kelgen delegasııa quramyndaǵy Reseı Federasııasy Federaldy Jına­ly­sy Federasııa Keńesiniń ta­bı­ǵat resýrstary men qorshaǵan ortany qorǵaý komıtetiniń mú­she­si Anatolıı Vaskov pen EýrAzEQ PAA jaýapty hat­shy­sy Petr Zverev kezdesýde óz pikirlerimen bólisti. Anatolıı Vaskov óz sózinde Qazaqstannyń bas qalasynda tuń­ǵysh ret bolyp turǵanyn, erekshe áser alǵanyn aıta kelip, aldaǵy saılaýǵa daıyndyq barysy zań­dy jolmen júrip jatqanyn baı­qaǵanyn málim etti. Qazaqstan halqynyń birligi men kelisimi eldegi tynyshtyqtyń kepili ekenin tilge tıek etti. Májilis Tóraǵasy meıman­dar­dy saılaýaldy naýqanynyń jumysy qalaı júrgizilip jat­qa­ny jaıly jan-jaqty tanys­ty­ryp ótti. Saılaý naýqany qolaı­ly áleýmettik-ekonomıkalyq jáne saıası jaǵdaıda ótýde. Qazaqstan Respýblıkasy álemdik qarjy daǵdarysynan aman shyǵyp, 2010 jyldy IJО́-niń 7 paıyz­dyq ósi­mi­men qorytyndylady. Qazaq­stan – osy jyldardyń ishinde zeı­netaqy men bıýdjettik qyz­met­kerlerdiń eńbek­aqy­syn úsh ret arttyrýdy júzege asyrǵan álemdegi sanaýly elderdiń biri. 2010 jyly-aq elimiz 2020 jylǵa deıingi Strategııalyq jos­­pardyń jáne údemeli ın­dýs­trııalyq-ınnovasııalyq baǵdar­la­manyń alǵashqy nátıjelerine qol jetkizdi. 800 mlrd. teńgeni quraıtyn 152 nysan iske qo­syldy, sonyń arqasynda 23 myń adam jańa jumyspen qamtyldy. Jalpy, jas memlekettiń 20 jyl ishindegi damýy turaqtylyqpen jáne qarqyndy órkendeýmen erekshelenedi. Qazaqstan EQYU-ǵa, ShYU-ǵa tóraǵalyq etýi arqyly ha­lyq­aralyq bedelge ıe boldy. Ús­timizdegi jyly Islam Kon­feren­sııasy Uıymyna jetekshilik jasaıdy. Májilis Tóraǵasy meıman­dar­ǵa daýys berýshilerdiń jo­ǵa­ry belsendiligi týraly aıtty. Bul eldi basqarý isine halyqtyń naqty qatysýyn, halyqtyń de­mokratııalyq qundylyqtardy ba­ǵalaı biletindigin kórsetedi. Saılaý organdary qyzmetiniń táýelsiz jáne ashyq ekendigi anyq baıqalyp otyr. Sonyń ishin­de Ortalyq saılaý komıs­sııasy (OSK) jarııalylyqty qamtamasyz etýde. Meımandarǵa Oral Muhamed­janov Ortalyq saılaý komıs­sııasy Qazaqstan prezıdentin saı­laýǵa kelgen 1059 halyq­ara­lyq baıqaýshyny tirkegenin habardar etti. Sonyń ishinde EQYU-nyń Demokratııalyq ınstıtýttar jáne adam quqyq­tary jónindegi bıýrosynan – 357, TMD-dan – 426, ShYU-dan – 13, sondaı-aq halyq­aralyq uıym­dardan – 100, shet elderden 163 ókil bar. Halyqtyń saılaýǵa qatysýǵa ynta bildirýinen-aq eldegi aza­mat­tyq ashyq qoǵamnyń damyp kele jatqanyn anyq kórýge bo­lady. Palata Tóraǵasy Qazaqstan­nyń árbir azamaty saılaýǵa qa­ty­sý arqyly turaqtylyq, eldiń órkendeýi jáne yntymaǵy jaras­qan keleshek úshin daýys beretinin jaqsy sezinetinin aıtty. Taraptar Kedendik odaqtyń bo­la­shaǵy, onyń zańdyq negizin qa­lyp­tastyrý máselelerin tal­qyǵa saldy. Eń bastysy – kórshi elderdiń bir-birine degen ynty­maqtastyq baı­lanysy ashyq, ha­lyqtardyń senimi joǵary. Son­dyqtan tarap­tar­dyń múddesin kózdegen qajetti zań­dardy qa­byl­daýǵa tolyq negiz bar. Kezdesýdiń ortaq túıini – aldaǵy saılaý Qazaqstannyń strategııalyq seriktes eldermen tyǵyz qarym-qatynas jasaýyna jańa serpilis beretini anyq.