Jas saılaýshy

Qostanaı qalasyndaǵy №62 saılaý ýchaskesi ornalasqan oblystyq qazaq drama teatryna jergilikti meken-jaı boıynsha qurbym Irına Kalashnıkova ekeýmiz birge kelip, daýys berdik. Ekeýmizdiń de saılaýǵa birinshi ret qatysýymyz. Qala turǵyndary saılaý ýchaskesine aǵylyp kelip jatyr. Bıýlleten alý úshin bizge kezek kútýge týra keldi. Úlken ájeler men atalarymyz bıýlletendi ýrnaǵa tastaǵan soń, «ómir jaqsy bolsyn, el tynysh, balalar soǵys kórmesin, toq bolsyn!» dep tilek tilep jatyr. Men de birinshi ret ýrnaǵa bıýlletendi óz qo­lymmen tastadym. Árıne, tolqydym. О́mirimde birinshi ret óz elimniń saıası ómirine qatystym dep esepteımin. Qazaqstanda demokratııanyń saltanat qurýyna, eldiń damýyna óz daýsymdy qostym. Men daýysymdy Elbasyǵa berdim. Nursultan Nazarbaev Qazaq­stan­­dy basqarýǵa kiriskende men ómirge endi kelgen sábı ekenmin. Jitiqara aýdanynda óstim, bilim aldym. Ata-anam, baýyrlarym ju­mys isteıdi. Aıtaıyn degenim, balalyq shaǵym baqytty ótti, eshnár­seden ta­ryq­qan joqpyn. 90-shy jyldary qıyndyqtardy bastan keshken Jiti­qa­ra qalasy qaıtadan toty qustaı túledi. Qazir ol obl­ys­taǵy kórkem ortalyqtyń birine aınalǵan. О́zim qazir Qostanaı áleýmettik-teh­nıkalyq ýnıversıtetiniń 4-shi kýrsynda oqyp júrmin. Bolashaq mamandyǵym qarjyger bolǵandyqtan, men elimizdiń eko­no­mı­kalyq damýyna kóp kóńil bólemin. Elimizde qolǵa alynǵan údemeli ındýs­trııalyq-ınnovasııalyq damý baǵdarlamasy ekonomıkany da, óndiristi de ilgeri jyljytatyn bolady. Osy baǵdarlama sheńberinde bizdiń oblysta da iri kásiporyndar, aýyl sharýashylyǵynda iri jobalar bastaý aldy. Mundaı iri kásiporyndar ashylǵan saıyn qostanaılyqtar jumys tabady, adamdar aılyq jalaqysyn alyp, turmysyn túzeıdi. Aıtaıyn degenim, osynyń barlyǵy da Nursultan Nazarbaevtyń syndarly saıasatynyń arqasy. Meniń anam «halyqtyń turmysy jaq­sy, sondyqtan tatý turamyz, jaratqan ıem osydan aıyrmasyn!» dep otyrady. Men búgingi saılaýda daýys berip jatqan úlken kisilerdiń júzinen olardyń da meniń anammen pikirles ekenin baıqadym. Qurbym Ira da Nazarbaevqa daýys berdim dedi. Men prezıdenttikke basqa úmitkerlerdi de qurmetteımin. Olardyń saılaý naýqanynda kótergen ózekti máseleleri Elbasy Nursultan Nazarbaevtyń saıa­sa­tyn­da da, baǵdarlamasynda da qamtylǵan. Sondyqtan kósh­bas­shymyzdyń bastaýymen judyryqtaı jumylyp, alǵa basamyz dep senemin. Men osy úshin daýys bergenimdi, azamattyq ustanymymdy bildirgenimdi maqtan tutamyn. Saltanat ÁKIMOVA, Z.Aldamjar atyndaǵy Qostanaı áleýmettik-tehnıkalyq ýnıversıtetiniń stýdenti. Qostanaı. *** Keshe ótken kezekten tys prezıdent saı­laýyna qatysyp, óz tańdaýymdy ja­sadym. Shynyn aıtsam, qatty tol­qydym. Bul meniń ómirimdegi týǵan elim­niń keleshegine degen jeke jaýapkershiligimdi aıqyndaǵan sát boldy. Qaskeleń qalasyndaǵy № 359 saılaý ýchaskesine adam kóp jınaldy. Báriniń kóńilderi kóterińki, bir-birine syılas­tyqpen qarap, ja­syna qarap, qurmet kórsetip jatyr. Men tárizdi jastar da edáýir. О́zim qazirgi Kósh­basshymyz Nur­sultan Álishuly Nazarbaev úshin daý­ys berdim. О́ıtkeni, árdaıym «El bo­lashaǵy – jastar» dep bizge qoldaý kórsetip, zor senim artyp keledi. Sol jastar leginde ekendigimdi árdaıym maqtanysh etemin. Qazirgi kezde qaladaǵy V.Belınskıı atyn­daǵy orta mekteptiń 11-sy­ny­byn­da oqımyn. Sabaǵym jaqsy. Aldaǵy josparlarymnyń is júzine asýy, árıne, elimdegi beıbitshilik pen saıası turaqtylyqqa baılanysty. Táýelsiz elim 20 jylda aıtýly tabystarǵa qol jetkizdi. Qaskeleń qalasynyń sáýle­ti­niń ózi talaıdy tamsandyrady. Ha­lyq­tyń áleýmettik-turmystyq jaǵdaıy kúrt ósip, baspana máselesi oń sheshilgen. Osy jerde kindik qany tamǵan Nursultan Ábishuly biz úshin maq­ta­nysh, biz jastar oǵan elikteımiz. Týǵan jerimizdiń órkendeýine úles qo­sýdy aza­mattyq paryz sanaımyz. Son­dyqtan da jastar óz tańdaýlaryn jasady. Saı­laýdaǵy jeńis – qara­saılyq jastardyń da jeńisi degim keledi. Jánııa DÁÝLETOVA. Almaty oblysy, Qarasaı aýdany. *** Biz 2003 jyly О́zbekstannan kóship keldik. Ákem Jańabaı túrli tirliktiń tilin taba biletin besaspap sharýa, al anam Ázıza ismer, kıim piship, tigin tigedi. Otbasymyzda bes qyz, bir ul bar. Meniń jasym on segizde. Bıyl alǵash ret daýys berdim. Tańdaýymdy da qatelespeı, durys jasadym dep oılaımyn. О́ıtkeni taǵdyr tálkegine ushyrap, basqa elge betburǵan qandastaryn týǵan eliniń tórine shaqyryp, hal-qaderinshe qamqorlyq jasaǵan adamdy biz eshqashanda umytpaımyz. Sodan beri jıyrma jylǵa jýyq ýaqyt ótse de kóshi-qon máselesi  memleket nazarynan túsken emes. Búginde Qazaqstan – qandastaryn tarıhı otanyna qabyldaýmen júıeli aınalysyp, ol úshin memleket qazynasynan qomaqty qarjy jumsap otyrǵan álemdegi úsh eldiń biri. Sonyń arqasynda, mine, men ózimniń tól otanymdaǵy eń birinshi saılaýǵa qatysý baqytyna ıe bolyp otyrmyn. Basymyzdy túgendep, tirligimizdi túzeıtin, ótkenimizdi zerdelep, bolashaqty boljaıtyn kemeńger basshysyz eldiń el bolýy ekitalaı. Ony alys-jaqyndaǵy oqıǵalar anyq kórsetip otyr. Qazaq eli kóregen basshysynyń arqasynda toqsanynshy jyldardaǵy qıyndyq qursaýynan aman-esen shyǵa bildi. Ekimyńynshy jyldyń da ekonomıkalyq ekpini eren. Búginde el tizginin durys qaqtyrǵan sol dana saıasat jer betinde qazaq degen el men onyń ózindik tarıhı damý joly bar ekendigin jer sharyndaǵy órkenıetti memleketterge moıyndatty. EQYU-ǵa tóraǵalyq etip, Astana Sammıtin abyroımen ótkizý sonyń jarqyn mysaly.  Basqa da aýyz toltyryp aıtar jetistikterimiz qanshama deseńizshi! Men elimizdegi saıası turaqtylyq pen ekonomıkalyq damýǵa daýys bere otyryp, bolashaqta dáriger bolyp, el halqynyń saý-salamat bolýyna perzenttik paryzymdy qossam deımin. Názıra JAŃABAIQYZY. Jambyl oblysy, Baızaq aýdany, Sarykemer aýyly.