Demokratııalyq úderisterdiń zańdy jalǵasy

Memleket basshysy Nursultan Ábishuly Nazarbaev­tyń ótken aptadaǵy bılik tarmaqtary arasyn­da ókilettikterdi qaıta bólý jónindegi Qazaqstan halqyna jarııalaǵan Úndeýi, onda kóterip otyrǵan máselesi óte oryn­dy. Ol kópten beri pisip-jeti­lip kele jatqan saıası-ǵalamdyq máni bar zor másele edi. Aıtýly máse­leniń sheshimin qalaı bolǵanda da Prezı­dentimizdiń óz bastamasymen sheshýdiń de mańyzy zor edi. Al Elbasymyzdyń bastamany ózi kóterip, demokratııalyq úderisterdi aıaǵyna deıin damyta túsýge yqpal etkisi kelgenin óte durys ári dál ýaqytynda qolǵa alynǵan tujyrym dep oılaımyn. Árbir memleket organy ókilettiginiń quqyqtary bolsyn, Parlamenttiń neme­se Prezıdenttiń quqyq­tary bolsyn, nemese odan tómengi organdardyń quqyq­tary bolsyn, bári de zaman­nyń aǵy­myna, qoǵamnyń órke­n­deýine, ýaqyt talabyna baı­lanys­ty qaıta qaralyp, ózger­tilip, tolyq­tyrylyp, alǵa qadam basyp otyrýy tıis. Sondyqtan da Prezı­denti­mizdiń búgingi kóterip otyrǵan ıdeıa­syn men eń qart qoǵamdyq-saıası qaı­­ratker retin­de óte oryndy dep sanaı­myn. Biz bul máseleni qaıtkende de qoldap, ári qaraı órkendete túsýge tıispiz. Konstıtýsııa, ıaǵnı elimizdiń Ata Zańy – qatyp-semip qalǵan zań emes. Konstıtýsııa da, Konstıtýsııanyń árbir taraýy da zaman talabyna, memleketimiz aldyna qoıyp otyrǵan maqsattaryna, bılik sheshimine saı mezgili jetken kezde tolyqtyrylyp, qajetti ózgeristerin engizip otyrýy kerek. Al Elbasymyz Nursultan Nazarbaevtyń keshegi «Qazaqstannyń úshinshi jańǵyrýy: jahandyq básekege qabilettilik» dep atalatyn Qazaqstan halqyna Joldaýynda aıtylǵan «Bes negizgi basymdyq», «Mańyzdy keshendi úsh mindet» sııaqty baǵyttardyń bári de kóńilimizden shyǵyp otyr. Tek eń bastysy, sol baǵyttardy júzege asyrýda asyǵystyqqa salynbaýymyz qajet. Asyǵys istelgen is olqylaý bolyp qalmaq. Sondyqtan bedeldi de bilikti azamattardy Prezıdenttiń aınalasyna shoǵyrlandyryp, sol jerde biraz máseleni sheship baryp, ári qaraı damyta bergen jón dep oılaımyn. Parlament rasymen de memleket qalaýyndaǵy máselelerdi sheship, mańyzdy isterge aralasyp otyrýy tıis. Parlamenttiń elimizdi, memleketti órkendetý maqsatynda Prezıdentpen kúsh jumyldyra jumys isteýi – zaman talaby. Sondyqtan Prezıdentimizdiń bul bastamasyn barynsha qol­daı­myn ári oryndy, óristi bastama dep oılaımyn. Sultan SARTAEV, zań ǵylymdarynyń doktory, Ulttyq ǵylym akademııasynyń akademıgi