Iskerler úshin keremet múmkindik

Elbasymyzdyń Jol­daý­lary óziniń júıeliligimen erekshelenedi. Bıylǵy Joldaý el damýyndaǵy úlken bir jospardyń kezekti aıtýly satysyn meńzeıdi. Prezıdent ony «Qazaqstannyń Úshinshi jańǵyrýy» dep atady. Joldaýdyń negizgi baǵyty – eko­nomıkalyq ósim. О́ıtkeni, Qazaqstan zaman kóshinen qalmaýy tıis. Bızneste, ónerkásipte, aýyl sharýashylyǵynda joǵary tehnologııalardy engizý, olardy ıgerý, sondaı-aq, sandyq salada óz startap­tarymyzdy damytýǵa jaǵdaı jasaý tapsyryldy. Bul oraıda, endi tutastaı memlekettik baǵdarlama da qabyldanady, halyqaralyq teh­no­park­­ter de qurylady. Memleket basshysy eldiń ishki jalpy ónimindegi shaǵyn jáne orta bıznestiń úlesin 2050 jylǵa qaraı kem degende 50 paıyzǵa jetkizýdi strategııalyq maqsat etip qoıdy. Osyndaı bıik maqsatqa jetýdiń jos­paryn da qolmen qoıǵandaı etip, taratyp aıtyp berdi. Endi kásibin dóń­ge­let­kisi keletin kez kelgen jan aýyldyq jerde bolsa da 16 mıl­lıon teńgege deıin nesıe ala alady. Bul keremet múm­kindik dep oılaımyn. Bıznes­tiń damýyna zııa­nyn tı­gi­zip otyrǵan ákimshilik keder­giler­di joıyp, normalardy retteý de «Ata­meken» Ulttyq kásipkerler palatasyna tapsyryldy. Bizdiń Qazaqstan baǵyt alǵan álemniń eń damyǵan 30 eli – ekonomıkasy men áleýmettik salasy myqty memleketter. Osyǵan baılanysty Elbasynyń dál osy ekonomıkalyq damýdyń qozǵaýshy kúshi – shaǵyn jáne orta bıznesti órkendetýge kóńil bólýi óte durys. Sebebi, ekonomıkamyz myqty, básekege qabiletti bolǵanda ǵana, biz áleýmettik salany da tıisti deńgeıge kótere alamyz. Prezıdent bıylǵy Joldaýynda da áleýmettik salaǵa tutastaı bir ba­sym­dyqty arnap otyr. Sol tórtinshi basymdyq adamı kapıtal sapasyn jaqsartý dep atalǵan. Bul basymdyq atalǵan salany jan-jaqty qamtyǵan. Deı­turǵanmen, meniń oıymsha, ol – áleý­mettik qamtamasyz etý salasyn damytý. Eshkimge de qupııa emes, qarjylyq daǵdarys, álemdik valıý­talyq qor saıasaty, munaı baǵasy syn­dy faktorlar saldarynan dúnıe júzin­de ınflıasııa kórsetkishi jylda ósip otyr. Biz de ǵalamdyq naryqtyń bir ból­shegi bolǵandyqtan, osy óz­ge­ris­tiń «sýyǵynan» tysqary qalmaı­myz. Biraq áleýmettik salanyń tólem­deri ósimine ınflıasııanyń tıgi­ze­tin áseri meılinshe tómendetildi. Sebe­bi, bizdiń elimizde zeınetaqy men jár­dem­aqy jáne basqa da tólemder kólemi múm­kindikke qaraı jylda ósip otyrady. Bul úrdis bıyl da jalǵasyn tap­qan. Muhtar MANKEEV, «Qazaqstan-2050» jalpyulttyq qozǵalysy keńesiniń tóraǵasy