Ońtústik Qazaqstan oblysynda Elbasy Nursultan Nazarbaevtyń bıylǵy jylǵy halyqqa arnaǵan «Qazaqstannyń úshinshi jańǵyrýy: jahandyq básekege qabilettilik» atty Joldaýyn talqylaýǵa arnalǵan oblys aktıviniń otyrysy ótti. Sharaǵa oblys, aýdan, qalalardyń basshylary, oblystyq máslıhat depýtattary, úkimettik emes uıym ókilderi men jastar uıymdary qatysty, dep habarlady OQO ákiminiń baspasóz qyzmeti.
Jıynda oblys ákimi Janseıit Túımebaev bıylǵy jylǵy strategııalyq qujattyń memlekettiń órkendeýine negiz qalaıtynyn aıta kele, onyń ishinde aımaqtyń damýyna jol ashatyn basym baǵyttarǵa keńinen toqtaldy.
Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda jańarý men jańǵyrýdyń dańǵyl jolyna túsken Qazaqstan shırek ǵasyrdyń ishinde búkil álemge qýatty, damyǵan, yntymaǵy jarasyp, yrysy artqan memleket retinde tanyldy. Endigi kezekte árbir qazaqstandyq osy bereke-birlik pen saıası turaqtylyqty odan ári nyǵaıtyp, elimizdiń irgesin bekite túsýi qajet.
«Bıylǵy joldaý el ekonomıkasyn nyǵaıtýmen qatar, halyqtyń ál-aýqatyn jasqartý boıynsha jańa mindetter júkteıdi. Osy oraıda óńirimizde eksportqa baǵyttalǵan kásiporyndardyń sanyn arttyrý maqsatynda jergilikti taýar óndirýshilerdiń básekelik qabilettiligin joǵarlatyp, oblysymyzdaǵy 1,1 mlrd. AQSh dollaryn quraıtyn eksporttyq aınalymdy 2 esege arttyrýymyz qajet. Elbasymyzdyń bizge árdaıym qoıatyn basty talaby - jeke jáne sheteldik ınvestısııa kóleminiń ekonomıkadaǵy úlesin arttyrý. О́ńirimizdegi búgingi tańdaǵy 14,5 paıyz kólemindegi sheteldik ınvestısııany 2020 jylǵa deıin 25 paıyzǵa ulǵaıtýymyz kerek. Bul úshin bizder ınvestorlarmen tyǵyz jumys júrgizip, olarǵa tıimdi jaǵdaı jasaýǵa tıistimiz. Búginniń ózinde oblystyń barlyq óńirlerinde ınvestorlarmen jumys isteıtin arnaıy mobıldyk toptar qurylǵan»,- dedi Janseıit Qanseıituly.
Elbasymyzdyń bıylǵy Joldaýynda bıznes-ortany túbegeıli jaqsartý jáne keńeıtý, elimizde ınvestısııalyq klımatty nyǵaıtý, jappaı kásipkerlikti qoldaý tetikterin odan ári jetildirý kerektigi sonyń ishinde otbasylyq kásipkerlikti damytý baǵytynda keshendi sharalar júrgizý qajettigin basymdyq berilip otyr. Bul turǵyda óńirde damyǵan elderdiń ozyq standarttary men tájirıbesin engizý arqyly júıeli jumystardy qolǵa alynýy qajettigi naqtylandy.
Budan bólek, óńirimizdegi agrarlyq sektordy damytyp, eksporttyq ónim kólemin arttyrý mindeti júktelip otyr. Sondyqtan birinshi kezekte oblystaǵy iri kanaldardy qalpyna keltirip, sýarmaly jerlerdiń kólemin 900 myń ǵektarǵa jetkizýimiz qajet. Mine, osy aıtylǵan mindetter men maqsattardy oryndaı otyryp, bizder 2025 jylǵa oblysymyzdyń jalpy óńirlik ónim kólemindegi úlesin 9 paıyzdan 15 paıyzǵa ulǵaıta alamyz.
Keńeste Elbasy júktegen mindetterdi júzege asyrýdyń baǵyttary belgilendi. Atap aıtsaq, IT salasyn damytý, agrarly-ındýstrıaldy aımaqta ınnovasııalyq ındýstrııalandyrý trendin túzý jáne kúsheıte túsýge basa nazar aýdaryldy. О́nerkásip, agroónerkásiptik keshen, kólik pen logıstıka, qurylys sektory jáne basqa salalar jumystaryn jandandyrý negizge alyndy.
Keleli keńeste sóz alǵan M. Áýezov atyndaǵy OQMÝ halyqaralyq qatynastar jáne saıasattaný kafedrasynyń meńgerýshisi Sáken Májinbekov Elbasy Joldaýyndaǵy saıası utymdy usynystar men basym baǵyttardy atap ótti. Al, oblystyq máslıhat depýtaty О́mirzaq Meldehanov joldaýda aıtylǵan birneshe basym baǵyttardy tilge tıek etti. Sondaı-aq, jıynda oblystyq ózbek etnomádenı ortalyǵynyń tóraǵasy Ikram Hashımjanov, oblystyq «Atameken» kásipkerler palatasynyń tóraǵasy Asqar Ábýbákirovter sóz alyp, Elbasy joldaýynyń utymdy usynystary týraly pikirlerin ortaǵa saldy.
Jıyn sońynda Joldaýdy halyqqa túsindirý jáne iske asyrý sharalaryn bekitken qarar qabyldandy. Endi úgit-nasıhat toptary halyq arasynda Joldaýdy keńinen túsindirý jumystaryn júrgizedi.
