Qazaqstan Respýblıkasy Indýstrııa jáne jańa tehnologııalar mınıstrliginiń buıryǵy №44

2011 jylǵy 28 aqpan, Astana qalasy Keń taralǵan paıdaly qazbalardy barlaý jáne ıgerý jónindegi óńiraralyq komıssııalar týraly erejeni bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 19-babynyń 1) tarmaqshasyna sáıkes buıyramyn: 1. Qosa berilip otyrǵan Keń taralǵan paı­daly qazbalardy barlaý jáne ıgerý jónindegi óńiraralyq komıssııalar týraly ereje bekitilsin. 2. Qazaqstan Respýblıkasy Indýstrııa jáne jańa tehnologııalar mınıstrliginiń Geologııa jáne jer qoınaýyn paıdalaný komıteti (B.S. О́jkenov) zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń keıin buqaralyq aqparat quraldarynda resmı jarııalanýyn qamtamasyz etsin. 3. Osy buıryq alǵash resmı jarııalanǵan kúnnen keıin on kúntizbelik kún ótken soń qoldanysqa engiziledi. Qazaqstan Respýblıkasy Premer-Mınıstriniń orynbasary – Qazaqstan Respýblıkasy Indýstrııa jáne jańa tehnologııalar mınıstri Á. ISEKEShEV. Qazaqstan Respýblıkasy Premer-Mınıstriniń orynbasary – Indýstrııa jáne jańa tehnologııalar mınıstriniń 2011 jylǵy 28 aqpandaǵy №44 buıryǵymen bekitildi Keń taralǵan paıdaly qazbalardy barlaý jáne ıgerý jónindegi óńiraralyqtar komıssııalar týraly ereje 1. Jalpy erejeler 1. Osy Keń taralǵan paıdaly qazbalardy barlaý jáne ıgerý jónindegi óńiraralyq komıssııalar týraly ereje (budan ári – Ereje) Keń taralǵan paıdaly qazbalardy barlaý jáne ıgerý jónindegi óńiraralyq komıssııanyń (budan ári – BIО́K) qyzmetin uıymdastyrýdy, olardyń quramyn, materıaldardy jáne qujattardy jınaý men saqtaý tártibin aıqyndaıdy. 2. BIО́K qurý maqsaty keń taralǵan paıdaly qazbalar ken oryndaryn izdeý, baǵalaý jáne ıgerý jónindegi jobalaý qujattaryn qaraý bolyp tabylatyn jer qoınaýyn zertteý men paıdalaný jónindegi ýákiletti organnyń árbir aýmaqtyq bólimshesiniń alqaly organy bolyp tabylady; BIО́K óz qyzmetin Qazaqstan Respýblı­kasynyń Konstıtýsııasyna, Qazaqstan Respýb­lıkasynyń Prezıdenti men Úkimetiniń zańda­ryna aktilerine, ózge de normatıvtik quqyqtyq aktilerge jáne osy Erejege sáıkes júzege asyrady. 3. BIО́K quramyn jer qoınaýyn zertteý jáne paıdalaný jónindegi ýákiletti organnyń aýmaqtyq bólimshesiniń basshysy bekitedi. BIО́K quramyna múddeli memlekettik organdardyń ókilderi jáne kelisim boıynsha ǵylymı-zertteý jáne jobalaý uımdarynyń ókilderi, sondaı-aq taý-ken óndirý jáne óńdeý salasynyń maman­dary kire alady. 4. BIО́K qyzmetin uıymdastyrýdy, is júrgizýdi, BIО́K materıaldary men qujattaryn jınaý men saqtaýdy, jer qoınaýyn zertteý jáne paıdalaný jónindegi ýákiletti organnyń tıisti aýmaqtyq bólimshesi júzege asyrady. 2. BIО́K-ta materıaldardy qaraý tártibi 5. Jer qoınaýyn paıdalanýshy qaǵaz jáne elektrondyq tasyǵyshtarda bes danada jobalyq qujattardy, ańdatpany BIО́K-ke jiberedi. 6. BIО́K-ke jer qoınaýyn paıdalanýshylar keń taralǵan paıdaly qazbalar kenoryndaryn barlaý men ıgerý boıynsha jobalaý qujattaryn, olarǵa ózgerister men tolyqtyrýlardy: 1) keń taralǵan paıdaly qazbalar boıynsha mindetti memlekettik ekologııalyq, ónerkásiptik qaýipsizdik, sanıtarlyq-epıdemıologııalyq sa­rap­tamalary bar izdestirý jumystarynyń jobasyn, baǵalaý jumystarynyń jobasyn, tájirıbelik-ónerkásiptik óndirý jobasyn; 2) mindetti memlekettik ekologııalyq, óner­kásiptik qaýipsizdik sanıtarlyq-epıde­mıolo­gııalyq saraptamalary bar, keń taralǵan paıda­ly qazbalar boıynsha jáne jer qoınaýyn utymdy jáne keshendi paıdalaný salasyndaǵy ónerkásiptik ázirlemelerdiń jobasyn usynady. 7. Keń taralǵan paıdaly qazbalar boıynsha izdeý jumystarynyń jobasy, baǵalaý jumys­tarynyń jobasy, tájirıbelik-ónerkásiptik ón­dirý jobasy, ónerkásiptik ázirlemeler jobasy jáne olarǵa ózgerister men tolyqtyrýlardyń jobalary BIО́K-ke kelip túsken kúnnen bastap bir aı (otyz kún) ishinde qaralady jáne jer qoınaýyn zertteý jáne paıdalaný jónindegi ýákiletti organnyń aýmaqtyq bólimshesi BIО́K-ten usynystar (usynymdar) kelip túsken kúnnen bastap on bes jumys kúni ishinde bekitedi nemese bekitýden bas tartady. 8. Jer qoınaýyn paıdalanýshyǵa eger Ere­jeniń 6-tarmaǵynyń 1-tarmaqshasynda kórse­tilgen sarap­ta­malardyń birinde teris qory­tyndy bolsa, izdeý joba­syna, baǵalaý jumys­tarynyń jobasyna, táji­rıbelik-ónerkásiptik óndirý jobasyna ózgerister jáne (nemese) tolyqtyrýlar engizýge ruqsat berilmeıdi. Eger usynylyp otyrǵan ózgerister jáne (nemese) tolyqtyrýlar kenoryndaryn ıgerýdiń oń táji­rıbesine, jer qoınaýyn utymdy ári keshendi paıdalaný jónindegi talaptarǵa sáıkes kelmese jáne Erejeniń 6-tarmaǵynyń 2-tarmaqshasynda kórse­tilgen saraptamalardyń birinde teris qorytyndysy bolsa, jer qoınaýyn paıdala­nýshyǵa ónerkásiptik ázirlemeler jobasyna ózgerister jáne (nemese) tolyqtyrýlar engizýge ruqsat berilmeıdi. 9. BIО́K otyrysynyń hattamasyn resimdeýdi BIО́K hatshysy júzege asyrady. BIО́K otyrysynyń hattamasyna BIО́K-tiń otyrysyna qatysqan barlyq músheleri qol qoıady. 10. Erekshe pikirge BIО́K músheleriniń jazbasha túrde jazylýǵa jáne hattamaǵa tirkelýge tıis. 11. BIО́K-ty tóraǵa, al ol bolmaǵan jaǵdaıda tóraǵanyń orynbasary basqarady. 12. BIО́K usynystary otyrysqa qatysyp otyrǵan BIО́K músheleriniń kópshilik daýysy­men qabyldanady. Daýys berý teń bolǵan jaǵdaıda tór­aǵalyq etýshiniń daýysy sheshýshi bolyp tabylady. 13. BIО́K otyrystary qajettiligine qaraı ótkiziledi jáne eger olarǵa BIО́K músheleri jal­py sanynyń keminde úshten ekisi qatyssa, zańdy dep sanalady. BIО́K músheleri ózderiniń qyzmetterine aýystyrylý quqyǵynsyz qatysady. 14. BIО́K usynysy (usynymy) boıynsha qaz­byldanǵan jer qoınaýyn zertteý jáne paıdalaný jónindegi ýákiletti organnyń aýmaqtyq bólimshesiniń sheshimi menshik nysanyna qaramas­tan, barlyq sharýa­shylyq júrgizýshi sýbek­tileri, onyń ishinde Qazaqstan Respýblıkasynyń aýmaǵynda keń taralǵan paıdaly qazbalardy barlaý jáne ıgerýdi jobalaý jáne júzege asyrýmen aınalysatyn sheteldik sýbektiler úshin oryndalýy mindetti bolyp tabylady. Buıryq Qazaqstan Respýblıkasynyń Ádi­let mınıstrliginde 2011 jylǵy 5 naý­ryzda Normatıvtik quqyqtyq kesimderdi memlekettik tirkeýdiń tizilimine №6800 bolyp engizildi.