Jaqııanov boksshylar tiziminde ekinshi orynǵa kóterildi

WBA (Super) jáne IBO tujyrymdary boıynsha jańa álem chempıony qazaqstandyq Janat Jaqııanov (27-1, 18 KO) amerıkalyq Roýshı Ýorrendi jeńgennen keıin Boxing Scene reıtınginde 7 orynǵa kóterildi. Bul týraly vesti.kz habarlady. Qos boksshynyń kezdesýi 11 aqpan kúni AQSh-tyń Ogaıo shtatyndaǵy Toledo qalasynda ótken. 12 raýndqa sozylǵan jekpe-jekte úsh tóreshiniń ekeýi Janatty jeńiske laıyq dep eseptedi. Jańartylǵan reıtıngte Jaqııanov toǵyzynshy orynnan ekinshi orynǵa kóterildi. Dıvızıondy brıtanııalyq Djeımı Makdonnell bastap tur. Bir jyldan astam ýaqyt rıngke shyqpaǵan qazaqstandyq boksshy bul aıqasy úshin 30 myń dollar syıaqy alsa, Roýshı odan bes ese kóp aldy. Bul jeńisinen keıin ol eki birdeı álem chempıony belbeýin ıelendi. Jaqııanov endi qazaqstandyq boksshylardyń arasynda belbeýleri sany jaǵynan tek Gennadıı Golovkınge (36-0, 33 KO) ǵana jol berip tur.