Qaraǵandyda Golovkın atyndaǵy sport kesheni ashylady

Qaraǵandyda Gennadıı Golovkın atyndaǵy sport kesheni ashylady. Ondaǵy seksııalar men zaldardyń barlyǵy tegin jumys isteıdi, dep habarlaıdy QazAqparat. Atqarýshy bılik dene shynyqtyrý-saýyqtyrý keshenine WBA (Super), IBO, WBC jáne IBF tujyrymdary boıynsha álem chempıony, kásipqoı boksshy Gennadıı Golovkınniń esimin berý týraly sheshim qabyldaǵan. Búgin Qaraǵandy oblysy ákiminiń orynbasary Asylbek Dúısebaev salynyp jatqan dene shynyqtyrý-saýyqtyrý keshenine bardy. Ol jerde aýyr atletıka zaly, basketbol, voleıbol, shaǵyn-fýtbolǵa arnalǵan ámbebap sport zaly, 25 metrlik basseın jáne boks zaly ornalasatyn bolady. «Nysandy paıdalanýǵa berer kezde jattyqtyrýshylardyń barlyq eskertpeleri men tilekterin esepke alýdy tapsyramyn. Sondaı-aq, sport zaldardyń halyqaralyq standarttar men talaptarǵa saı bolýyn júkteımin. Bul jerde túrli deńgeıdegi saıystar ótkiziletin bolady», – dep málimdedi Asylbek Dúısebaev Sondaı-aq, Dúısebaev qurylys jumystaryn sapaly ári jyldam júrgizýdi tapsyrdy. Atalmysh nysan «Sport nysandaryn damytý» baǵdarlamasy boıynsha júzege asýda. Onyń qurylys jumystaryna oblystyq jáne qalalyq bıýdjettiń qarjylary kezeń-kezeńimen bólinip jatyr. Sport kesheniniń ashylýy osy jyldyń kóktemine josparlanyp otyr. О́tken jyldyń qyrkúıek aıynda qurylys alańyna boksshy Gennadıı Golovkın kelgen bolatyn. Ol qurylysshylarǵa sport keshenine kelýshilerdiń jaǵdaıyn jasaýǵa jáne jattyǵýlaryn oıdaǵydaı ótkizý úshin birqatar talap-tilekterin aıtqan.