ShQO-da «Muz astynan balyq aýlaý-2017» saıysy ótti

Shyǵys Qazaqstannyń balyqshylary Jarma aýdanyna byltyr da jınalyp edi. Bıyl taǵy da bas qosty. Aýdan áki­miniń júldesi úshin uıym­dastyrylǵan «Muz astynan balyq aýlaý-2017» saıysyna oblystyń túk­pir-túkpirinen kelgen jet­pisten astam balyqshy qatysty. – Qystygúni balyq aýlaý ońaı sharýa emes. Sheberlik pen eptilikti qajet etedi. Týrnırge alys-jaqynnan at arytyp kelgen barlyq balyqshylarǵa alǵys aıtamyz, - dedi sharanyń ashylý saltanatynda sóz alǵan Jarma aýdanynyń ákimi Nurlan Sydyqov. «Qaramaı-aq jaýynǵa, toı bastaldy aýylda» degendeı, bul kúni óńirdiń qarmaqtyń qula­ǵynda oınaǵan 70 balyqshysy kúnniń sýyqtyǵyna da qara­mastan betin muz búrkegen Shaıan­dy kóliniń ár tusynan oıyq jasap, qarmaq salyp, ba­lyq aýlap, básekeniń kórigin qyz­dyr­dy. Báriniń de kóńili kóterińki. – Muz oıyp, qarmaqpen balyq aýlaýdyń ózi bir raqat dúnıe ǵoı. Muny qysqy sporttyń bir túri desek te bolady. Kúndelikti kúıbeń tirshilikten qutylyp, ta­za aýaǵa, tabıǵat aıasyna shyq­qanǵa ne jetsin?! О́zim jıi bolmasa da, anda-sanda qarmaq salýǵa shyǵyp turamyn. Áýesqoı balyqshylardyń basyn qosyp, osyndaı saıys uıymdastyrǵan azamattarǵa alǵys bildiremiz, – deıdi Ermek esimdi jarysqa qatysýshy. Shara sońynda jeńimpazdar men júldegerlerge aýdan áki­miniń marapat qaǵazdary men baǵaly syılyqtar tabys etildi. Azamat QASYM, «Egemen Qazaqstan» Shyǵys Qazaqstan oblysy