Ekonomıkalyq yntymaqtastyq uıymynyń sammıti ótýde

1 naýryz kúni Islamabadta Ekonomıkalyq yntymaqtastyq uıymyna múshe memleketter basshylarynyń HIII sammıti bastaldy. Sammıtte EYU-nyń 2025 jylǵa deıingi damý jospary jáne uıymdy reformalaý jónindegi máseleler talqylandy. Sammıtke Iran, Túrkııa, Ázerbaıjan, Túrikmenstan men Tájikstannyń memleket basshylary, Pákistan jáne Qyrǵyzstan elderiniń premer-mınıstrleri, Aýǵanstannyń syrtqy ister mınıstri, О́zbekstannyń vıse-premeri qatysty. Elbasy tapsyrmasymen elimiz­diń atynan Qazaqstan Respýb­lıkasy Premer-Mınıstriniń orynbasary – Aýyl sharýashylyǵy mınıstri Asqar Myrzahmetov qatysty. EYU sheńberindegi ynty­maq­tas­tyq múshe elderdiń senimdi áriptestik jáne ózara túsinistik, sondaı-aq, tepe-teńdik qaǵıdatyna negizdel­gen. Uıymnyń ne­giz­gi mindeti aımaqtyń ekonomıkalyq da­mýy úshin qolaıly jaǵdaılar jasaý, ishki qatynastardy óz­ara yntymaqtastyqqa negizdeı otyryp, áleýmettik, mádenı, ǵy­lymı-tehnıkalyq salalardy damytý, mú­she elderdi ýaqyt talabyna saı ıntegra­sııalaý bolyp tabylady. Sammıt barysynda Qazaq­stan taraby ózara qarym-qaty­nas­tyń 4 baǵytyn talqylaýǵa usyn­dy. Olardyń alǵashqysy – ın­fra­qurylymdyq jobalardy júzege asyrý. Qazirgi kezde, Qazaq­stan transmagıstraldy av­tomobıl jáne temir jol qury­lysyn keń aýqymda júrgizip jatyr. Bul EAEO-nyń aýqymdy joba­laryn ıntegrasııalaýǵa jáne Jibek joly Ekonomıkalyq bel­deýi jobalaryn júzege asyrýǵa múm­kin­dik beredi. Osyǵan baılanysty, Qazaq­stannyń tranzıt­tik múm­kin­dikterin EYU-ǵa múshe bar­lyq elderdiń yntymaqtas­tyǵyn keńeıtý úshin paıdalaný usynyldy. Ekinshi – aımaqtyq saýda-sattyqty yntalandyrý jáne ulttyq ónimderdiń álemdik na­ryqq­a shyǵýyn keńeıtý. Bul baǵyt­ta mýltımodaldyq tasymal­daýdy birigip uıymdastyrý jáne kólik ınfraqurylymynyń tar­maq­talǵan jelisin qurý qajet. Bul oraıda, Qazaqstan EYU el­derin baılanystyratyn jáne Eýra­zııa­nyń basqa da naryǵy­men jal­ǵas­tyrýshy kópir rólin atqarady. Úshinshi – energetıkalyq qaýipsiz­dik. Energetıkalyq naryq­taǵy transparenttilik máselelerin qarastyrýda jáne osy salada jańa tehnologııalardy engizýde yntymaqtasý. Tórtinshi – 2018 jyldan bas­tap, aǵylshyndyq quqyq negizin­de tolyq­taı iske qosylatyn «Astana» ha­lyq­aralyq qarjylyq or­ta­ly­ǵy aıasyndaǵy qarym-qatynas. Sammıt barysynda, vıse-premer – Aýyl sharýashylyǵy mınıstri qatysýshylardy 2017 jyl­dyń qyrkúıek aıynda Astan­ada alǵash ret ótetin Islam yntymaqtastyǵy uıymy­nyń Ǵylym jáne tehnologııa sam­mıtine shaqyrdy, dep habar­lady Aýyl sharýashylyǵy mınıstr­liginiń baspasóz qyzmeti.