Qazaqstan Respýblıkasynyń Birikken Ulttar Uıymyna múshelikke qabyldanǵanyna – 25 jyl
CIM-de Qazaqstannyń BUU-na múshe bolǵanyna 25 jyl tolýyna oraı dóńgeleik ústel ótti. Bul sharaǵa SIM Qaırat Ábdirahmanov, Qazaqstannyń BUU-daǵy alǵashqy turaqty ókili, Syrtqy ister mınıstrliginiń Erekshe tapsyrmalar jónindegi elshisi Aqmaral Arystanbekova qatysty.
Jıynǵa qatysýshylar Qazaqstan men álemdegi eń jetekshi halyqaralyq uıymmen aradaǵy ózara yqpaldastyǵynyń negizgi kezeńderine toqtala kele, shırek ǵasyr ishindegi yntymaqtastyqtyń basty jetistikterin atap ótti. Sonymen qatar, elimizdiń 2017-2018 jyldary BUU Qaýipsizdik Keńesiniń turaqty emes músheligine saılanýy beıbitshilik, qaýipsizdik jáne damý tetikterine súıengen jahandyq uıymnyń qaǵıdattary men maqsattaryn tájirıbe júzinde iske asyrýdaǵy Qazaqstan atqarǵan aýqymdy jumystyń qısyndy jalǵasy ekenin jetkizdi.
Mańyzdy sharanyń ashylýynda sóz sóılegen Syrtqy ister mınıstri Qaırat Ábdirahmanov: «Elimiz úshin búgingi kúnniń mańyzy erekshe. Osydan dál 25 jyl buryn Qazaqstan BUU-nyń tolyq quqyly múshesi boldy. Bul oqıǵa elimizdiń damýyna qosymsha serpin, halyqaralyq qoǵamdastyqpen jaqsy qarym-qatynasty ornatýǵa úles qosty. Búgingi kezdesýge sol kezdegi óte mańyzdy oqıǵalarǵa tikeleı qatysqan tulǵalar qatysyp otyr», – dedi syrtqy saıasat vedomstvosynyń basshysy. Dóńgelek ústel aıasynda Qaırat Qudaıbergenuly Qazaqstannyń BUU aıasynda qol jetkizgen jetistikterine Memleket basshysynyń alysty boljaı biletin kemeńgerligi men strategııalyq saıasaty aıtarlyqtaı yqpal etkenin, sonyń arqasynda Qazaqstan halyqaralyq qoǵamdastyq tarapynan moıyndalyp, joǵary baǵaǵa ıe bolǵanyn jetkizdi. «Elimiz BUU-men joǵary deńgeıde áriptestik ornatýǵa múddeli. Elbasy BUU-nyń Shtab-páterinde 11 márte boldy. Sondaı-aq, elimiz BUU-nyń 100-den astam kelisimshartynyń qatysýshysyna aınaldy», – dedi ol.
Sonymen qatar, Qaırat Ábdirahmanov Qazaqstannyń BUU-ǵa múshe bolǵanyna 25 jyl tolýyna oraı, Qazaqstan Prezıdenti Nursultan Nazarbaevtyń atyna BUU Bas hatshysy Antonıo Gýterrıshten arnaıy quttyqtaý hat kelgenin jetkizdi. «О́ziniń joldaýynda BUU Bas hatshysy qazaq halqyn, Qazaqstan Prezıdentin BUU-nyń ıgi bastamalaryn is júzine asyrý jolyndaǵy atqarylǵan aýqymdy jumys úshin shyn júrekten quttyqtady. Sondaı-aq, ol bizdiń elimizdiń ıadrolyq qarýsyzdaný, beıbitshilik pen qaýipsizdikti saqtaý, qorshaǵan ortany qorǵaý salalaryndaǵy kóshbasshylyǵyn da aıryqsha atap ótti. BUU Bas hatshysy búgingi aýqymdy sharaǵa da óziniń arnaıy joldaýyn jiberdi», – dedi Syrtqy ister mınıstri.
Antonıo Gýterrıshtiń bul joldaýyn sharaǵa jınalǵandardyń aldynda Norımasa Shımomýra oqyp berdi. BUU Bas hatshysy elimizdi jetekshi uıymǵa múshe bolýynyń 25 jyldyǵymen quttyqtaı kele, Qazaqstan bul ataýly kúndi óziniń BUU Qaýipsizdik Keńesiniń turaqty emes músheligine saılanýy kezeńimen qatar atap ótip otyrǵanyna toqtalypty. Máselen, joldaýda: «Bul – osy eldiń halyqaralyq jáne óńirlik saıasattaǵy rólin kórsetedi. Men Qazaqstanmen aradaǵy seriktestigimizdi óte joǵary baǵalaımyn. Qazaqstan qýaty jóninen dúnıe júzinde tórtinshi ıadrolyq arsenalynan óz erkimen bas tartty. Bul da osy eldiń halyqaralyq beıbitshilik salasyna qosyp otyrǵan aýqymdy úlesi», – delingen. Sonymen qatar, Antonıo Gýterrısh aldaǵy ýaqytta da Qazaqstanmen beıbitshilik, ornyqty damý baǵytyndaǵy ózara áriptestikke senim artatynyn jetkizgen.
Bul kúngi jıyn aıasynda sóz alǵan táýelsiz Qazaqstannyń tuńǵysh Syrtqy ister mınıstri Tóleýtaı Súleımenov elimizdiń álemdegi jetekshi uıymǵa múshe bolý tarıhyna qaıtadan kóz júgirtti. «Ol kezde álemniń kóp eli Qazaqstandy táýelsiz memleket retinde moıyndaı bastaǵan edi. Keıin biz birtindep Qazaqstannyń osynaý halyqaralyq uıymǵa múshe bolýyna jol ashatyn tıisti qujattardy daıyndaı bastadyq, osylaısha, ózimizdiń kózdegen maqsatymyzǵa jettik. 25 jyldan keıin elimiz BUU Qaýipsizdik Keńesiniń turaqty emes músheligine saılandy. Memleket basshysy BUU Bas Assambleıasy sessııalarynyń minberlerinen talaı sóz sóılep, óz usynystaryn aıtty. Osy jyldar ishinde beıbitshilik, qaýipsizdik, ıadrolyq qarýsyzdaný salalarynda óz bastamalarymen kósh bastap júrgen lıderge aınaldyq. Endi biz BUU Qaýipsizdik Keńesiniń turaqty emes múshesi mıssııasyn belsendi atqara júrip, joǵary deńgeıde júrgizilýi tıis jumystarymyzben aýqymdy úles qosýymyz kerek. Máselen, azyq-túlik qaýipsizdigin qamtamasyz etý salasynda úlken jumystar atqarǵanymyz jón», – dedi Tóleýtaı Súleımenov.
Qazaqstannyń BUU-daǵy alǵashqy turaqty ókili, Syrtqy ister mınıstrliginiń Erekshe tapsyrmalar jónindegi elshisi Aqmaral Arystanbekova BUU-ǵa múshe bolǵan 25 jyldyń ishinde Qazaqstan atalǵan uıymnyń belsendi ári bedeldi múshesine aınalǵanyn atap ótti. «Qazaqstan men BUU-nyń shırek ǵasyr bederindegi yntymaqtastyǵy Qazaqstan Prezıdenti Nursultan Nazarbaevtyń halyqaralyq arenadaǵy róli men bedelin aıqyn kórsetip berdi», – dedi Aqmaral Haıdarqyzy. Sondaı-aq, Qazaqstannyń BUU-daǵy alǵashqy turaqty ókili Qazaqstannyń BUU aıasynda kótergen bastamalary men atqarǵan jumystaryna jan-jaqty toqtalyp ótti.
Parlament Senatynyń Áleýmettik-mádenı damý jáne ǵylym komıtetiniń tóraıymy Birǵanym Áıtimova Parlament Senatynyń Tóraǵasy Qasym-Jomart Toqaevtyń Qazaqstannyń BUU-ǵa múshe bolǵanyna 25 jyl tolýyna arnalǵan dóńgelek ústelge qatysýshylarǵa quttyqtaý hatyn oqyp berdi. Onda: «Búgin Qazaqstannyń Birikken Ulttar Uıymyna múshe bolyp kirgenine 25 jyl tolyp otyr. Bul data – memleketimizdiń tarıhynan erekshe oryn alatyn mańyzdy mejelerdiń biri. Birikken Ulttar Uıymynyń qoldaýynyń arqasynda álemdik qoǵamdastyq Qazaqstandy egemen el dep tanydy. Elimiz halyqaralyq quqyqtyń sýbektisi retinde jahandyq únqatysýǵa belsene qatysyp keledi. BUU qazirgi zamannyń kúlli túıtkilderin sheshý úshin kelissózder men pikirtalastar júrgizip, ortaq kelisimderge qol jetkizýge arnalǵan ámbebap alań retinde beıbit ómirdi, qaýipsizdik pen turaqtylyqty saqtap qalýǵa orasan úles qosty»,– degen joldar bar.
Sonymen qatar, Qasym-Jomart Toqaev óz sózinde Qazaqstan Prezıdenti Nursultan Nazarbaev 1992 jyly Birikken Ulttar Uıymy Bas Assambleıasynyń 42-shi sessııasynda sóılegen sózinde Azııadaǵy ózara is-qımyl jáne senim sharalary jóninde keńes qurý týraly usynys jasaǵanyna, bul bastama keıingi 10 jyldyń ishinde tolyǵymen iske asqanyna toqtalǵan eken. Parlament Senaty Tóraǵasynyń quttyqtaýynda: «BUU Qaýipsizdik Keńesiniń turaqty emes múshesi qyzmetindegi Qazaqstannyń erekshe den qoıyp otyrǵan baǵyttary elimizdiń de, barsha álemniń de múddelerine tolyǵymen saı keletini kúmánsiz. Memleketimiz mártebeli ári jaýapty mindetti abyroımen atqarady dep men kámil senemin», – delingen. Budan keıin Birǵanym Áıtimova da Qazaqstan álemdegi eń jetekshi uıymdarǵa múshe bolýy arqyly óziniń syrtqy saıasattaǵy ornyn belgilep qana qoımaı, halyqaralyq qoǵamdastyq tarapynan joǵary baǵaǵa ıe bolǵanyn aıtty.
Jıynǵa qatysýshylar Qazaqstannyń BUU-nyń aıasynda Ortalyq Azııa men Aýǵanstannyń qaýipsizdigi men ekonomıkalyq-áleýmettik ál-aýqatyn arttyrý jolynda belsendi túrde bastama kóterip júrgen birden-bir memleket ekenine, sondaı-aq, elimiz aldaǵy ýaqytta Almatyda BUU-nyń О́ńirlik habyn qurýdy kózdep otyrǵanyna toqtalyp ótti. Shara aıasynda Qazaqstan Respýblıkasy Prezıdenti Muraǵatynyń qoldaýymen arnaıy kórme uıymdastyryldy. Onda Qazaqstan men BUU áriptestigi tarıhynan habar beretin derekti materıaldar men sýretter qoıyldy.
Láıla EDILQYZY,
«Egemen Qazaqstan»
CIM-de Qazaqstannyń BUU-na múshe bolǵanyna 25 jyl tolýyna oraı dóńgeleik ústel ótti. Bul sharaǵa SIM Qaırat Ábdirahmanov, Qazaqstannyń BUU-daǵy alǵashqy turaqty ókili, Syrtqy ister mınıstrliginiń Erekshe tapsyrmalar jónindegi elshisi Aqmaral Arystanbekova qatysty.
Jıynǵa qatysýshylar Qazaqstan men álemdegi eń jetekshi halyqaralyq uıymmen aradaǵy ózara yqpaldastyǵynyń negizgi kezeńderine toqtala kele, shırek ǵasyr ishindegi yntymaqtastyqtyń basty jetistikterin atap ótti. Sonymen qatar, elimizdiń 2017-2018 jyldary BUU Qaýipsizdik Keńesiniń turaqty emes músheligine saılanýy beıbitshilik, qaýipsizdik jáne damý tetikterine súıengen jahandyq uıymnyń qaǵıdattary men maqsattaryn tájirıbe júzinde iske asyrýdaǵy Qazaqstan atqarǵan aýqymdy jumystyń qısyndy jalǵasy ekenin jetkizdi.
Mańyzdy sharanyń ashylýynda sóz sóılegen Syrtqy ister mınıstri Qaırat Ábdirahmanov: «Elimiz úshin búgingi kúnniń mańyzy erekshe. Osydan dál 25 jyl buryn Qazaqstan BUU-nyń tolyq quqyly múshesi boldy. Bul oqıǵa elimizdiń damýyna qosymsha serpin, halyqaralyq qoǵamdastyqpen jaqsy qarym-qatynasty ornatýǵa úles qosty. Búgingi kezdesýge sol kezdegi óte mańyzdy oqıǵalarǵa tikeleı qatysqan tulǵalar qatysyp otyr», – dedi syrtqy saıasat vedomstvosynyń basshysy. Dóńgelek ústel aıasynda Qaırat Qudaıbergenuly Qazaqstannyń BUU aıasynda qol jetkizgen jetistikterine Memleket basshysynyń alysty boljaı biletin kemeńgerligi men strategııalyq saıasaty aıtarlyqtaı yqpal etkenin, sonyń arqasynda Qazaqstan halyqaralyq qoǵamdastyq tarapynan moıyndalyp, joǵary baǵaǵa ıe bolǵanyn jetkizdi. «Elimiz BUU-men joǵary deńgeıde áriptestik ornatýǵa múddeli. Elbasy BUU-nyń Shtab-páterinde 11 márte boldy. Sondaı-aq, elimiz BUU-nyń 100-den astam kelisimshartynyń qatysýshysyna aınaldy», – dedi ol.
Sonymen qatar, Qaırat Ábdirahmanov Qazaqstannyń BUU-ǵa múshe bolǵanyna 25 jyl tolýyna oraı, Qazaqstan Prezıdenti Nursultan Nazarbaevtyń atyna BUU Bas hatshysy Antonıo Gýterrıshten arnaıy quttyqtaý hat kelgenin jetkizdi. «О́ziniń joldaýynda BUU Bas hatshysy qazaq halqyn, Qazaqstan Prezıdentin BUU-nyń ıgi bastamalaryn is júzine asyrý jolyndaǵy atqarylǵan aýqymdy jumys úshin shyn júrekten quttyqtady. Sondaı-aq, ol bizdiń elimizdiń ıadrolyq qarýsyzdaný, beıbitshilik pen qaýipsizdikti saqtaý, qorshaǵan ortany qorǵaý salalaryndaǵy kóshbasshylyǵyn da aıryqsha atap ótti. BUU Bas hatshysy búgingi aýqymdy sharaǵa da óziniń arnaıy joldaýyn jiberdi», – dedi Syrtqy ister mınıstri.
Antonıo Gýterrıshtiń bul joldaýyn sharaǵa jınalǵandardyń aldynda Norımasa Shımomýra oqyp berdi. BUU Bas hatshysy elimizdi jetekshi uıymǵa múshe bolýynyń 25 jyldyǵymen quttyqtaı kele, Qazaqstan bul ataýly kúndi óziniń BUU Qaýipsizdik Keńesiniń turaqty emes músheligine saılanýy kezeńimen qatar atap ótip otyrǵanyna toqtalypty. Máselen, joldaýda: «Bul – osy eldiń halyqaralyq jáne óńirlik saıasattaǵy rólin kórsetedi. Men Qazaqstanmen aradaǵy seriktestigimizdi óte joǵary baǵalaımyn. Qazaqstan qýaty jóninen dúnıe júzinde tórtinshi ıadrolyq arsenalynan óz erkimen bas tartty. Bul da osy eldiń halyqaralyq beıbitshilik salasyna qosyp otyrǵan aýqymdy úlesi», – delingen. Sonymen qatar, Antonıo Gýterrısh aldaǵy ýaqytta da Qazaqstanmen beıbitshilik, ornyqty damý baǵytyndaǵy ózara áriptestikke senim artatynyn jetkizgen.
Bul kúngi jıyn aıasynda sóz alǵan táýelsiz Qazaqstannyń tuńǵysh Syrtqy ister mınıstri Tóleýtaı Súleımenov elimizdiń álemdegi jetekshi uıymǵa múshe bolý tarıhyna qaıtadan kóz júgirtti. «Ol kezde álemniń kóp eli Qazaqstandy táýelsiz memleket retinde moıyndaı bastaǵan edi. Keıin biz birtindep Qazaqstannyń osynaý halyqaralyq uıymǵa múshe bolýyna jol ashatyn tıisti qujattardy daıyndaı bastadyq, osylaısha, ózimizdiń kózdegen maqsatymyzǵa jettik. 25 jyldan keıin elimiz BUU Qaýipsizdik Keńesiniń turaqty emes músheligine saılandy. Memleket basshysy BUU Bas Assambleıasy sessııalarynyń minberlerinen talaı sóz sóılep, óz usynystaryn aıtty. Osy jyldar ishinde beıbitshilik, qaýipsizdik, ıadrolyq qarýsyzdaný salalarynda óz bastamalarymen kósh bastap júrgen lıderge aınaldyq. Endi biz BUU Qaýipsizdik Keńesiniń turaqty emes múshesi mıssııasyn belsendi atqara júrip, joǵary deńgeıde júrgizilýi tıis jumystarymyzben aýqymdy úles qosýymyz kerek. Máselen, azyq-túlik qaýipsizdigin qamtamasyz etý salasynda úlken jumystar atqarǵanymyz jón», – dedi Tóleýtaı Súleımenov.
Qazaqstannyń BUU-daǵy alǵashqy turaqty ókili, Syrtqy ister mınıstrliginiń Erekshe tapsyrmalar jónindegi elshisi Aqmaral Arystanbekova BUU-ǵa múshe bolǵan 25 jyldyń ishinde Qazaqstan atalǵan uıymnyń belsendi ári bedeldi múshesine aınalǵanyn atap ótti. «Qazaqstan men BUU-nyń shırek ǵasyr bederindegi yntymaqtastyǵy Qazaqstan Prezıdenti Nursultan Nazarbaevtyń halyqaralyq arenadaǵy róli men bedelin aıqyn kórsetip berdi», – dedi Aqmaral Haıdarqyzy. Sondaı-aq, Qazaqstannyń BUU-daǵy alǵashqy turaqty ókili Qazaqstannyń BUU aıasynda kótergen bastamalary men atqarǵan jumystaryna jan-jaqty toqtalyp ótti.
Parlament Senatynyń Áleýmettik-mádenı damý jáne ǵylym komıtetiniń tóraıymy Birǵanym Áıtimova Parlament Senatynyń Tóraǵasy Qasym-Jomart Toqaevtyń Qazaqstannyń BUU-ǵa múshe bolǵanyna 25 jyl tolýyna arnalǵan dóńgelek ústelge qatysýshylarǵa quttyqtaý hatyn oqyp berdi. Onda: «Búgin Qazaqstannyń Birikken Ulttar Uıymyna múshe bolyp kirgenine 25 jyl tolyp otyr. Bul data – memleketimizdiń tarıhynan erekshe oryn alatyn mańyzdy mejelerdiń biri. Birikken Ulttar Uıymynyń qoldaýynyń arqasynda álemdik qoǵamdastyq Qazaqstandy egemen el dep tanydy. Elimiz halyqaralyq quqyqtyń sýbektisi retinde jahandyq únqatysýǵa belsene qatysyp keledi. BUU qazirgi zamannyń kúlli túıtkilderin sheshý úshin kelissózder men pikirtalastar júrgizip, ortaq kelisimderge qol jetkizýge arnalǵan ámbebap alań retinde beıbit ómirdi, qaýipsizdik pen turaqtylyqty saqtap qalýǵa orasan úles qosty»,– degen joldar bar.
Sonymen qatar, Qasym-Jomart Toqaev óz sózinde Qazaqstan Prezıdenti Nursultan Nazarbaev 1992 jyly Birikken Ulttar Uıymy Bas Assambleıasynyń 42-shi sessııasynda sóılegen sózinde Azııadaǵy ózara is-qımyl jáne senim sharalary jóninde keńes qurý týraly usynys jasaǵanyna, bul bastama keıingi 10 jyldyń ishinde tolyǵymen iske asqanyna toqtalǵan eken. Parlament Senaty Tóraǵasynyń quttyqtaýynda: «BUU Qaýipsizdik Keńesiniń turaqty emes múshesi qyzmetindegi Qazaqstannyń erekshe den qoıyp otyrǵan baǵyttary elimizdiń de, barsha álemniń de múddelerine tolyǵymen saı keletini kúmánsiz. Memleketimiz mártebeli ári jaýapty mindetti abyroımen atqarady dep men kámil senemin», – delingen. Budan keıin Birǵanym Áıtimova da Qazaqstan álemdegi eń jetekshi uıymdarǵa múshe bolýy arqyly óziniń syrtqy saıasattaǵy ornyn belgilep qana qoımaı, halyqaralyq qoǵamdastyq tarapynan joǵary baǵaǵa ıe bolǵanyn aıtty.
Jıynǵa qatysýshylar Qazaqstannyń BUU-nyń aıasynda Ortalyq Azııa men Aýǵanstannyń qaýipsizdigi men ekonomıkalyq-áleýmettik ál-aýqatyn arttyrý jolynda belsendi túrde bastama kóterip júrgen birden-bir memleket ekenine, sondaı-aq, elimiz aldaǵy ýaqytta Almatyda BUU-nyń О́ńirlik habyn qurýdy kózdep otyrǵanyna toqtalyp ótti. Shara aıasynda Qazaqstan Respýblıkasy Prezıdenti Muraǵatynyń qoldaýymen arnaıy kórme uıymdastyryldy. Onda Qazaqstan men BUU áriptestigi tarıhynan habar beretin derekti materıaldar men sýretter qoıyldy.
Láıla EDILQYZY,
«Egemen Qazaqstan»
