Aqparattyq tehnologııa adymdary

Memleket basshysynyń bıylǵy Qazaqstan halqyna Joldaýyndaǵy birinshi basymdyq elimizde ozyq tehnologııany engizýdi jedeldetýge ári ony odan ári damytýǵa baǵyttalǵany belgili. Munyń aldyńǵy qatarynyń birinde aqparattyq tehnologııa máseleleri tur. Mine, osy ózekti taqyryp óńirde ótkizilgen arnaıy májilistiń arqaýyna aınaldy. Sóz joq, búgingi aqparattyq teh­­nologııa jóninde uzaq áńgime aıtý­ǵa bolady. Biraq bul áńgimeler onyń búgingi qoldanysqa engizilip úl­gergen naqty mysaldarymen baı­la­nystyrylmasa, báribir sol ba­ıaǵy qur, bos sóz kúıinde qalyp qoıýy ábden yqtımal. Aqtóbede bul taqy­rypqa baılanysty ótkizilgen má­jilistiń basty ózgesheligi – oǵan qaty­sý­shylar óńirde iske asa bastaǵan bir­qatar aqparattyq tehnologııa túrleri­niń tanystyrylymyna kýá bolýynda. Sonyń biri – jer telimderin berý kezindegi kezektiń saqtalýyn baqy­lap, bul iste jarııalylyqty or­nyq­­tyrýǵa septigin tıgize alatyn «Jer qatynastary» atty júıeniń al­ǵash­qy nátıjeleri. Aqparattyq teh­no­lo­­gııa­nyń osynaý ómirsheń jańa túri bo­ıyn­sha buǵan deıin oryn al­ǵan kóp­te­gen keleńsizdikterdiń tamy­­ry­na bal­ta shabýǵa, atalǵan isti oń­taı­lan­­dy­rýǵa, sonymen birge, mun­da­ǵy adam fakt­oryn, ıaǵnı bul iske adam­dar­­d­yń tikeleı aralasýyn tejeýge bo­la­dy. Sondaı-aq, alynǵan jerdi tıim­­­di paı­d­a­­lanbaı júrgender de bul teh­­no­­lo­gııanyń quryǵynan qutyla almaıdy. Taǵy bir aıta keterlik jaıt, «Jetekshi taqtaıshasy» atty joba boıynsha turǵyndardy oblystaǵy áleýmettik-ekonomıkalyq damý turǵysyndaǵy málimetterdi jedel túr­de tanystyrýǵa múmkindik jasal­ǵan. Bul máselege zeıin qoıǵan­dar ony taldap, talqylaýǵa da aralasa alady. Mundaı mysaldar jetki­likti. Onyń aldyńǵy qatarynda taıaýda en­gizilgen «Jedel monıtorıng» modýli bar. Bul arqyly oryn alǵany­na otyz mınýt óte qoımaǵan tótenshe jaǵdaı men ishki ister organdarynyń jedel derekterimen tanysýǵa bolady. Sonymen birge, óńirde memleket­tik baǵdarlamalardyń júzege asý barysyn uńǵyl-shuńǵylyna deıin tanystyratyn, sonyń ishinde ın­nova­sııalyq jobalardyń jilik ma­ıyn shaǵyp kórsetetin saraptamalyq modýl iske qosylǵan. Usynylǵan máli­­­met­terdiń ózektiligin saqtaý úshin eli­mizdiń quqyqtyq statıs­tı­ka jó­nindegi komıtetine qaras­ty aq­parattyq júıeler men ınteg­rasııa­lyq sıpattaǵy baılanystar ornatylǵan. Oblystaǵy asa mańyzdy joba­lar­dyń taǵy bir legi turǵyn­dardyń ómir súrý sapasyn kóterýge baǵyt­talǵan. Atap aıtqanda, aqyldy baǵ­dar­shamdardyń engizilýi, kólik qural­daryn kidirtý kórinisterin azaıtýǵa arnalǵan qadamdar. Janar­maı shyǵy­ny men zııandy zattar shyǵarýdy tómendetýge arnalǵan modýlder jáne «jumyl­ǵysh ıns­pek­tor» jobasy osy pikirimizge aıqyn aıǵaq. Bir sózben aıtqanda, Aqtóbe aımaǵynda Prezıdent Joldaýynda kórinis tapqan aqparattyq tehnolo­gııa máselesiniń adymy arshyndy. Temir QUSAIYN, «Egemen Qazaqstan» AQTО́BE