О́nimdilikti arttyrýda eleýli ózgeris bar

Memleket basshysy Nursultan Nazarbaev Qazaq­stan halqyna arnaǵan bıylǵy Joldaýynda «Birinshi, eńbek ónim­­diligin aıtarlyqtaı art­ty­rý kerek» dep atap kórsetip, «Bul jerdegi negizgi faktor Tór­tin­shi ónerkásiptik revolıý­sııa ele­ment­t­erin jappaı engizý bolýǵa tıis. Bul – avtomat­tan­dyrý, ro­bot­tandyrý, jasan­dy ın­­tel­lekt, «aýqymdy máli­met­­ter» almasý, taǵy basqa min­­­­det­ter. Úkimetke bıznes ókil­­deri­­men birge 2025 jylǵa deıin ba­zalyq salalardy teh­no­­lo­­gııa­lyq turǵydan qaı­ta jaraq­­tan­­dyrýdyń keshe­ndi shara­­­laryn ázirleýdi tapsy­ramyn», degen bolatyn. Jol­daý júk­­te­gen mindetke saı mem­leket tara­pynan ónimdilikti art­­­tyrý­­dy yntalandyrý baǵy­­tyn­da belsendi jumys bastal­dy. Qazirgi kúni ınnovasııa­lyq óń­­deýdi, zamanaýı basqarý­shy­­­lyq tehnologııalardy en­gizý jáne negizgi kásiporyn qor­­laryn jańǵyrtý boıynsha ilgerileý bar. Mysalǵa, Investısııalar jáne damý mınıstrligi men «Qazaqstandyq ındýstrııany damytý ınstıtýty» AQ birle­sip, óndirýshilerdi yn­ta­lan­dyrý boıynsha jańa sapa­ly stan­dartqa kóshý, eńbek ónim­diligi men óndiristiń tıim­diligin arttyrý jóninde josparly jumystar júrgizip keledi. Osy maqsatta birneshe jyl buryn «О́nimdilik-2020» baǵ­dar­lamasy iske qosylǵan bola­tyn. Bul sharanyń arqa­syn­da óndiristi jańǵyrtý ese­bi­­nen «Munaımash» AQ, «Azııa Avto» AQ, «Kentaý tran­sfor­­mator zaýyty» AQ, «Sary­arqaAvtoО́nerkásip» JShS, «Stalsınk» JShS, «Oń­tús­tik Qurylys Servıs» JShS zamanaýı joǵary tehno­lo­­gııalyq stanoktar satyp al­dy. Nátı­jesinde, atalǵan kási­p­oryn­­darda eńbek ónimdiligi 1,2-den 2,8 esege deıin artty. «KazStroıSteklo» AQ, «AVZ» JShS, «SınKaz» JShS, «Mılh» JShS sııaqty kási­poryn­­dar basqarýshy jáne ón­di­ris­­tik tehnologııalardy en­gizý esebinen ortasha eńbek ónim­di­ligin 1,6 esege deıin jetkizdi. О́tken jyly Qazaqstandyq ın­dýstrııany damytý ıns­tı­­týty­na «О́nimdilik-2020» baǵy­ty boıyn­sha shyǵyndy qaı­­tarý tásili ar­qyly 66 ın­dýs­­t­rııa­­lyq-ınnova­sııa­­lyq qyz­­met sýbek­tilerinen 88 óti­nim tús­ken. Instıtýt­tyń qol­daý qura­ly ortalyǵy dırek­tory­nyń orynbasary Dıas Serikovtiń aıtýynsha, ázirge 47 sýbektiniń 60 ótinimi maquldan­dy, onyń ishinde 58 ótinim boıyn­sha shyǵyn­dar qaıtaryldy. Byl­tyr­ǵa bólingen bıýdjet qara­­­ja­­tyn túgel ıgergendikten, 2 óti­nim­­­di qanaǵattandyrý aǵym­daǵy jyly júzege asyrylady. Ashat RAIQUL, «Egemen Qazaqstan»