Bolashaqqa serpindi qadam

Elbasy Nursultan Ábishuly Nazarbaev 2017 jylǵy Qazaqstan halqyna arnaǵan Joldaýynda elimizge qazirgi zamannyń jahandyq syn-tegeýrinderine jaýap qaıtarýǵa múmkindik beretin Qazaqstannyń Úshinshi jańǵyrýyn júzege asyrýdy qamtamasyz etýdi mindet etti. «2030» Strategııasyn mer­zimi­nen buryn oryndaý Qazaq­stan­ǵa álemdegi eń damyǵan 50 mem­le­ket­tiń qataryna kirýge múm­kindik berdi. Búginde bizdiń eli­miz – post­keńestik keńistikte ta­nyl­ǵan kóshbasshy, álemdik qaýip­sizdiktiń qalyptasýyna, eko­­no­mıkalyq turaq­tylyqty ny­­ǵaıtýǵa, ha­lyq­aralyq ynty­maq­­tas­­tyqty damy­týǵa baǵyt­tal­ǵan kóptegen úderis­terdiń bas­taý­shysy. Oryndalyp jat­qan serik­testik jáne senim saıa­saty­nyń sal­maqty nátıjeleri Qazaq­stan BUU Qaýipsizdik Keńesi­­niń múshesi bolýǵa, Qazaq­stan­nyń EQYU-ǵa, Astana ekono­mı­­­ka­­lyq forýmy, Islam Ynty­­maq­­­tas­­tyǵy Uıymyna, Shan­haı yn­­ty­­maqtastyq uıymy­na, Azııa­­­­daǵy ózara is-qımyl jáne senim shara­lary jónin­degi keńes­ke, Eýra­­zııa­lyq ekonomı­ka­lyq odaq­­­qa tóraǵa­lyq etýine jáne EKSPO-2017 halyqaralyq kór­me­si­­niń elimizde ótýine yqpal etti. Táýelsizdiktiń 25 jyldyǵy­nyń basty nátıjesi tańdap alǵan jo­lymyzdyń durystyǵyna degen senimimizdi bekemdep, bala­lary­myzdyń bolashaǵy úshin jumys isteýge degen nıeti­mizdi art­tyra tústi. Osy jyldar ara­lyǵynda Táýelsiz Qazaq­stan­nyń qundylyqtaryn, sol qundylyqtardyń joǵary ta­rıhı-fılosofııalyq, áleý­met­­tik-gýmanıstik aqyl-para­sat qundylyqtaryn sińirgen qazaqstandyq urpaq ósip, qalyp­tasty. Elbasynyń Jol­daýynda barlyq qazaq­stan­dyqtardyń ómir sapasyn jáne dáýlettiligin jaq­sartýǵa baǵyttalǵan «Qazaq­stan-2050 strategııasy: qalyp­tasqan memlekettiń jańa saıa­­sı baǵyty» atty strategııalyq baǵ­dar­lamasynyń, Bes ınstı­týt­tyq reformany oryndaý boıynsha «100 naqty qadam» Ult jos­pary­nyń, «Máńgilik El» Pat­­­rıot­tyq aktisiniń ıdeıalary ózi­niń qı­syn­dy jalǵasyn tapty. Búgin biz óndiriste, agrarlyq sek­torda, bilim berý men den­saý­lyq saqtaý salasynda, ıaǵnı ult­tyq ekonomıkanyń barlyq sala­laryn­da jumys isteıtinder Elbasy Nursultan Nazarbaev qoı­ǵan «ekonomıkanyń álemdik ósimi­niń orta deńgeıden joǵary qar­qynyn qamtama­syz etýge jáne 30 ozyq eldiń qataryna qaraı tu­raqty túrde ilgerileýge» shaqy­ratyn basymdyqtardy joǵary deńgeıde uǵynýymyz qajet. Shıkizatqa táýelsiz ınno­va­sııalyq ekonomıkany damy­tý – bizdiń negizgi, mańyz­dy basym­dyǵymyz. Aldaǵy bolashaqta shıkizattyq táýeldilikten erkin ınnovasııalyq ekonomıkany damytý bizdiń mańyzdy basym­dyǵ­ymyzǵa aınalady. Osy ba­ǵyt­­ta jetekshi ról adamı kapı­tal qalyptastyrylatyn orta re­tin­de bilim berý júıesine bó­line­di. Negizgi retinde Elbasy «bilim berýdi ekonomıkalyq ósýdiń jańa modeliniń ortalyq býynyn jasaý» mindetin qoıady. Prezıdent kórsetken pers­pek­tıvalyq salalardy: 3D-prın­tıng, onlaın-saýda, mobıl­di bankıng, sıfrly qyzmet kór­setý­di elde damytý joǵary oqý oryn­dary men ǵylymı ortalyq­tar qam­tamasyz ete alatyn ǵylymı quramdas bóliginsiz damytý múm­kin emes. Bul úshin joǵary kásip­tik bilim berý júıesine IT-bilim berýdi, qarjylyq saýattylyqty qalyptastyrýǵa jáne jastardy patrıotızmge tárbıeleýge erek­she nazar aýdarý kerek. Qazaqstannyń Úshinshi jań­ǵyrýyna aýysýy, Prezı­dent­tiń piki­rin­she, tolyq shamada joǵa­ry bilikti kadrlarmen qam­­ta­ma­syz etilgen bolýy kerek. Osy maq­satpen bilim berý júıe­sin­de úlken reformalar júrgi­zil­di: túlekterdi daıarlaý sapa­syn táýel­siz baǵalaý júıesi quryl­dy, Ult­tyq biliktilik sheń­beri qalyp­tas­tyryldy, kásip­tik standarttar ázirlenýde. JOO túlekterin ulttyq eko­no­­mı­kanyń barlyq salalary úshin sa­paly daıarlaýdy tek qana jo­­­ǵa­ry bilikti professorlyq-oqy­­tý­­shylar quramy ǵana qamta­m­a­­syz ete alady. Osyǵan oraı, Pre­­­zı­­­dent óz Joldaýynda sóz et­ken kadr­­lyq quramǵa qatysty ba­qy­­laý men talaptardy kúsheıtý qa­jet­­ti­li­gimen kelispeý múmkin emes. Elbasynyń Joldaýynan Táýel­­­siz Qazaqstannyń ári qaraı ór­­kendeýi eldiń erteńgi j­a­­ńarýy boıynsha mindetterdi she­­she­­tin quzyretti, básekege qabi­­let­­ti qazaqstandyqtardyń jańa býy­ny­men baılanysty. E.A.Bóketov atyndaǵy Qaraǵandy mem­leket­tik ýnı­versıtetiniń ujy­my Jol­daýdyń ıdeıasyn tutas­taı qoldaı oty­ryp, eldiń ınnova­sııa­lyq damýy­na ózindik úlesin qosa bere­tin bolady. Erkin KО́BEEV, E.A.Bóketov atyndaǵy QarMÝ rektory, zań ǵylymdarynyń doktory, professor QARAǴANDY