Halyq múddesimen úndesedi

Elbasynyń memlekettik bıliktiń tarmaqtary arasynda ókilettikterdi bólý máseleleri jónindegi Úndeýindegi Qazaq­stan Respýblıkasy Kons­tı­týsııa­sy men zańdaryna óz­geris­ter engizý týraly usy­nystar jurtshylyq tarapynan keń qoldaý taýyp, saıası mańyzy zor talqylaýǵa res­pýblıka turǵyndary belsene atsalysty. Ata Zańymyzdyń 23 babyna ózgerister engiziletin boldy. Bul týraly Bılik tarmaq­tary arasyndaǵy memleket­tik óki­let­tikterdi qaıta bólý jónin­degi jumys tobynyń kezek­ti otyrysynda Mem­leket basshy­sy atap kórsetti. Eń basty­sy, Qazaq­stannyń negizgi saıası modeli saqtalyp, prezıdent­tik res­pýblıka bolyp qala beredi. Elimizdiń álemniń órkenıet­ti otyz eliniń qataryna kirý baǵy­tyndaǵy demokratııalyq qadamdary, zor ekonomıkalyq áleýeti kúshti prezıdenttik bılik arqyly qalyptasqany talassyz shyndyq. О́ıtkeni, egemendik­tiń eleń-alań shaǵyndaǵy aýyr kezeńderden múdirissiz ótý úshin jurtshylyqty judyryq­taı jumyldyryp, ortaq arnaǵa tyǵyz toptastyra alatyn bılik kúshi qajet edi. Osy oraıda, Qazaqstanda kásibı Úkimettiń, qýatty Parlamenttiń, táýelsiz sottyń qurylýyna, jas memle­kettiń eńsesin tiktep, beıbit­shilik­tiń, turaqtylyqtyń, bir­lik­tiń qamtamasyz etilýine pre­zı­denttik bılik ólsheýsiz áser et­kenin aıta ketken jón. Qazir ýaqyt múldem basqa. Qazaqstan óz damý jolyn anyq­tap, halyqaralyq arenada bedel­di memleketke aınaldy. Zor saıası, áleýmettik ózgerister­ge qol jetkizdik. Endi, mine, Elbasy qazaqstandyqtardyń naza­ry­na elimiz úshin asa taǵ­dyrly, mańyzdy máseleni usynyp, búkilhalyqtyq qol­daýǵa ıe boldy. Memleket­tiń basqarý júıesin jańǵyrtý­dyń ózektiligin alǵa tarta oty­ryp, Prezıdent­tiń áleýmet­tik-ekonomıkalyq úderister­di retteýdegi birshama ókilettik­ter­di Úkimetke, basqa da organ­darǵa berý, sonymen qatar, Par­lament rólin kúsheıtý jóninde usynystar jasaǵanyn bilemiz. Eki baǵytta júrgizi­letin refor­malar memlekettiń kásibıligin art­tyrýmen qatar, ár bıliktiń jaýapkershiligin de kúsheıteri sózsiz. Memlekettik basqarý jú­ıesi zaman talabyna sáıkes bolsa, ókilettik te nyǵaıa túseri kúmánsiz. Menińshe, Konstıtýsııa­ǵa ózgeristerdiń engizilýi búgingi kúnniń talabymen tolyq ún­de­­sedi. El basqarýdyń pre­zı­­dent­tik júıesi alǵa qoı­ǵan mindet­ter­diń abyroı­men oryndalýyn tolyq qam­tamasyz etkeni qazaq­stan­dyq tájirıbeden bel­gili. Kons­tıtýsııalyq reforma­ǵa baı­lanysty 6 myńǵa jýyq usy­­nys­ túsip, depýtattyq kor­pýs­tyń talaptaryn kúsheıtý, Úkimet­tiń mindettiligin art­tyrý jónindegi oı-pikirler jurt­shy­lyqtyń belsendi saıası is-áreketin kórsetse kerek. Bir sózben aıtqanda, kons­tıtýsııalyq reforma qoǵam tarapynan zor qyzyǵýshylyq tanytyp, demokratııalyq úrdis­terge keń jol ashatynyn anyq ańǵartty. Araı ÁLIMOV, oblys prokýrorynyń orynbasary Soltústik Qazaqstan oblysy