Ekologııalyq kodekske túzetýler talqylandy

Parlament Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasynyń Ekologııalyq kodeksine ózgerister men tolyqtyrýlar engizý týraly» zańynyń jobasy birinshi oqylymda qaraldy. Zań jobasy elimizdegi qol­danystaǵy ekologııalyq zań­namany jetildirýge jáne ony quqyq qoldaný praktıka­sy kezinde anyqtalǵan quqyqtyq ol­qy­lyqtardy joıýǵa baǵyt­talǵan. Qujat qorshaǵan ortaǵa eleý­li áser etpeıtin nysan­dar jóninde jobalyq qujattar bo­ıyn­sha qoǵamdyq tyńdaýlar ót­kizý qajettigi týraly ereje­ler­di alyp tastaýdy qarastyrady. Turmystyq qatty qaldyq­tardy aldyn ala óńdeý jasamaı polıgondarǵa qabyldaý men kómýge tyıym salatyn Ekologııalyq kodeks erejelerin qoldanysqa engizý merzimderi ózgeredi. Qorshaǵan ortany qorǵaý salasyndaǵy ýákiletti organ­nyń parnıktik gazdar shy­ǵa­ryndylary kvotany ónim bir­ligine shaqqanda bólý maqsatyn­da parnıktik gazdardyń úlestik dárejeleriniń tizbesin ázirleý jáne bekitý bóligindegi quzyreti naqtylanady. О́zgerister sondaı-aq sarqyndy sýlardy tabıǵı jáne jasandy sý obektilerine aǵyzýdy retteý boıynsha normalardy naqtylaýdy da kózdeıdi, dep habarlady osy palatanyń baspasóz qyzmeti.