Úkimet quramy Májilispen keńesip jasaqtalady - Jaqsybekov

Konstıtýsııalyq reforma týraly zań jobasy Parlament qaraýyna berildi. Bul týraly Elbasynyń qatysýymen ótip jatqan Parlament palatalarynyń birlesken otyrysynda konstıtýsııalyq reıformalar jónindegi jumys tobynyń jetekshisi, Qazaqstan Prezıdenti Ákimshiliginiń jetekshisi Ádilbek Jaqsybekov habarlady. – Qazaqstan Respýblıkasy Konstıtýsııasyna ózgerister men tolyqtyrýlar engizý týraly zań jobasy Memleket basshysynyń sheshimimen Parlament qaraýyna engizildi. Memleket basshysy atap ótkendeı, usynylǵan konstıtýsııalyq ózgeristerdi bes negizgi blok boıynsha qurylymdaýǵa bolady. Birinshisi, túzetýler Parlamenttiń rólin kúsheıtýge baǵyttalǵan. Úkimetti qalyptastyrýdaǵy Májilistiń rólin kúsheıtý usynylady. Sonymen qatar, Úkimet onyń músheleriniń qyzmetin baqylaý ókilettigi boıynsha Parlament pen palatalardyń rólin kúsheıtý qarastyrylǵan. Úkimet quramyn jasaqtaý kezinde kelesi tártip usynylady. Premer-Mınıstr Májilispen keńeskennen keıin Memleket basshysyna Úkimet músheligine úmitkerler týraly usynys engizedi. Prezıdent ózi taǵaıyndaıtyn Syrtqy ister mınıstrleri men Qorǵanys mınıstrleri ǵana bul erejeden tysqary,– dedi Jaqsybekov. Jumys toby jetekshisiniń aıtýynsha, prınsıpti túrdegi jańashyldyq dep jańadan saılanǵan Májilis aldynda Úkimettiń ókilettigin toqtatatynynyn aıtýǵa bolady.