Prokýratýra ókilettiginiń azaıý-azaımaýy Parlament bıliginde - Asanov

Parlament palatalardyń birlesken otyrysynda Qazaqstan Respýblıkasynyń Bas Prokýrory Jaqyp Asanov ózi basqaryp otyrǵan vedomstvo ókilettiginiń azaıý-azaımaýy Parlament quziretinde ekenin aıtty. «Eki mátindi salystyrsaq, búgingi redaksııa men usynylyp otyrǵan jobanyń arasynda rasynda aıyrmashylyqtar bar. Biraq bir aıta ketetin jaıt, negizgi bizdiń baǵyttarymyz bazalyq jumysymyzdyń negizgi mazmunyn joǵary qadaǵalaý, zańdylyqty qamtamasyz etý, sottardyń memlekettiń múddesin bildirýi, qylmystyq qýdalaý, sonyń barlyǵy jańa jobada saqtalyp tur. Jalpy búgingi mátinde bizdiń kóp fýnksııalarymyz egjeı-tegjeıli jazylǵan. Biz zaman talabyna saı kóp ózgeristerdi der kezinde jasaı almaı otyrmyz. Sondyqtan, bizdiń oıymyzsha, bul redaksııa óte durys. Bizdiń jalpy ókilettigimiz azaıa ma, azaımaı ma, qysqara ma qysqarmaı ma ol árıne Parlament bıliginde. Osy suraqpen biz sizderdiń aldaryńyzǵa áli talaı kelemiz. Kóp máseleler zań deńgeıinde sheshiletin bolady», dedi Jaqyp Asanov Májilis depýtaty Bekbolat Tileýhannyń saýalyna jaýap bere otyryp.