Qostanaıda psıhıatr dárigerdi óltirgen qylmystyq top ustaldy

Osydan úsh kún buryn oblystyq psıhıatrııalyq aýrýhananyń burynǵy bas dárigeri,sot  psıhıatrııalyq-saraptaý komıssııasynyń tóraıymy, joǵary sanatty sot-psıhıatrııalyq sarapshy Rashıda Sandybaevany pyshaqtap óltirgen kúdikti úsh adam qolǵa túsken bolatyn. Oblystyq ishki ister departamenti baspasóz qyzmetiniń habarlaýynsha, arnaıy jedel-tergeý tobynyń júrgizgen keshendi jedel-izdestirý sharalarynyń nátıjesinde R.Sandybaevany  óltirýdiń barlyq mehanızmi, tásili men sebebi tolyq ashyldy. Qaraǵandy oblysynan ustalǵan úsh adam qylmystyń oryn alǵanyn tolyq moıyndap, qamaldy. Ekinshi naýryz kúni túske deıin oblystyq psıhıatrııalyq aýrýhanadaǵy №4 bólimniń meńgerýshisi, joǵary sanatty psıhıatr-narkolog dáriger, 45 jastaǵy Záýresh Izaldına osy iske qatysy bar degen kúdikpen ustaldy. Bul bizge  jergilikti buqaralyq aqparat quraldarynyń resmı emes kózderden alǵan aqparattardy jarııalaýynan belgili boldy. Oblystyq ishki ister departamentiniń baspasóz qyzmeti bul jóninde áli eshqandaı aqparat bermeı otyr. Tek ǵana qazir  qylmystyq toptyń basqa múshelerin ustaý jáne olardyń kinálaryn tolyq dáleldeý úshin is-qımyl sharalary júrgizilýde ekenin ǵana aıtty. Eske sala ketsek, osy jyldyń 20 aqpan kúni  sot psıhıatrııalyq saraptaý komıssııasynyń tóraıymy, kóp jyldar oblystyq psıhıatrııalyq aýrýhananyń bas dárigeri bolǵan, oblysqa belgili joǵary sanatty psıhıatr dáriger, joǵary sanatty sot psıhıatrııalyq sarapshy Rashıda Sandybaeva óziniń páterinde aıýandyqpen pyshaqtap óltirilgen bolatyn. Onyń denesine qylmyskerler 30 jerden pyshaq urǵan. Názıra Járimbetova, «Egemen Qazaqstan»