Qazaqstan fýtbol federasııasy janynda tehnıkalyq keńes quryldy

Qazaqstan fýtbol federasııasy jetekshiliginiń bastamasymen QR fýtboldy damytý strategııasyn júzege asyrý suraqtarymen aınalysatyn jáne elimizdiń qurama komandalaryna uıymdasqan ádistemelik kómek kórsetetin tehnıkalyq keńes quryldy, dep habarlaıdy QFF baspasóz qyzmeti. Onyń quramyna QFF prezıdenti Seıilda Baıshaqov, QKFL prezıdenti Azamat Aıtqojın, QFF bas menedjeri Igor Ýtrobın, qurama komandalar departamentiniń dırektory Ǵanı Qaınazarov, tehnıkalyq dırektor Talǵat Baısýfınov, Qazaqstan Ulttyq quramasynyń bas bapkeri Aleksandr Borodıýk, jastar quramasynyń aǵa jattyqtyrýshysy Vladımır Nıkıtenko, QKFL sport dırektory Pavel Demıan, Qazaqstan áıelder quramasynyń bas bapkeri Aıtpaı Jamantaev, U19 quramasynyń aǵa jattyqtyrýshysy Aleksandr Kýznesov, U17 quramasynyń  aǵa jattyqtyrýshysy Karlos Ferer, jastar quramasynyń jattyqtyrýshysy Iýrıı Konkov, jastar quramasy aǵa bapkeriniń kómekshisi Igor Svechnıkov, jasóspirimder quramasynyń seleksıoneri Iýsýp Shadıev jáne jastar quramasyndaǵy qaqpashylardyń jattyqtyrýshysy Nıkolaı Rodıonov endi. Bıyl Qazaqstan fýtbol federasııasy qurama aralyq komandalardy qurdy. Sonyń arqasynda quramalardyń sany 8-ge deıin artty: Ulttyq qurama, U23 quramasy, U21 quramasy, U20 quramasy, U19 quramasy, U18 quramasy, U17 quramasy jáne U16 quramasy. Jattyqtyrýshylar keńesin qurý ár túrli jastaǵy quramalar arasynda ózara  áreket etýge jáne fýtbolshylardy daıyndaýda fýtbol ortalyqtary jáne klýbtar arasynda turaqty baılanysty qalyptastyrýǵa múmkindik beredi.