Qostanaıda elimizdegi eń qart ájeı turady. Búgin 115 jasqa tolyp otyr. Ǵasyrdan da uzaq ǵumyr keshken keıýananyń densaýlyǵy birqalypty. О́zdiginen júrip-tura alady. As úıge óz aıaǵymen baryp, ózi tamaqtanady. Qımyly shıraq, oıy sergek, tipti áli kúnge deıin kitap oqıdy, dep habarlady tengrinews.kz.
Sanaýly jyldardan keıin qostanaılyq Marfýǵa Seltetkenovanyń esimi Gınnestiń rekordtar kitabyna planetamyzdyń «Eń qart turǵyny» esebinde jazylýy múmkin.
Ájeı 1902 jyly, 3 naýryzda týǵan. Ult-azattyq kóterilis, soǵys jyldarynyń kýási bolǵan. Keıýananyń tuńǵysh qyzy – 97 jasta. Ol О́skemen qalasynda turady. Kelini – 93 jasta. Marfýǵa ájeıdiń anasy 123 jasynda dúnıeden ozǵan.
Aıta keteıik, Gınnestiń rekordtar kitabyna engen álemdegi eń uzaq jasaǵan áıel Osakalyq Mısao Okava Japon elinen shyqqan.
