Nenad Erıch: «Qaıratty» jeńý úshin barymyzdy salamyz

«Astana» fýtbol klýbynyń qaqpashysy, jańa kapıtany Nenad Erıch Qazaqstan Sýperkýbogy úshin  «Qaırat» komandasymen ótetin kezdesý jaıly oı bólisti «Bizdi tartysty oıyn kútip turǵany anyq. «Qaırat» – myqty komanda. Oıynshylary da, bas bapkerleri de óz isteriniń naǵyz sheberleri. Eń bastysy erteń aýa raıy qolaıly bolsa boldy. Biz barymyzdy salýǵa daıynbyz», – dedi Erıch. «Qaırat» komandasynyń shabýyl shebinde oınaıtyn oıynshylardyń bári myqty. Islamhan, Arshavın, Isael, Goý. Olar múmkindikterin múlt jibermeıtin bilikti jigitter. Sondyqtan árqaısysynan qaýip kútýge bolady. Erteńgi oıyn kimniń myqty ekenin dáleldeýge taǵy bir múmkindik beredi», – dedi qaqpashy. Komandanyń burynǵy kapıtany Tańat Nóserbaev ketkennen keıin bul mindet Nenad Erıchke júktelgen bolatyn. «Qazaqstannyń úsh dúrkin chempıony, Chempıondar lıgasy men Eýropa lıgasynyń toptyq kezeńinde oınaǵan ujymnyń kapıtany bolý – zor mártebe, úlken jaýapkershilik. Klýb basshylyǵynyń, komanda bapkerleriniń, áriptesterimniń, jankúıerlermizdiń senimin aqtap, ujymdy ylǵı da alǵa jeteleıtin bolamyn. «Elimizdegi eki myqty shabýylshy retinde Jerar Goý men Djýnıor Kabanangany aıtar edim», – dedi ol.