Jansaıa Ábdimálik halyqaralyq jarysta birinshi oryn aldy

Qazaqstandyq shahmatshy qyz Jansaıa Ábdimálik Máskeýde ótken áıelder arasyndaǵy «Aeroflot Open 2017» festıvalinde birinshi oryn aldy, dep habarlady dodasport.kz. «Aeorflot Open 2017» festıvali 20 aqpan men 3 naýryz aralyǵynda ótti. Qazaqstandyq shahmatshynyń qarsylastary eki Halyqaralyq shahmat Federasııasynyń sheberleri, eki halyqaralyq dárejedegi shahmat sheberleri jáne bes grossmeıster boldy. «9 týrdyń qorytyndysynda Jansaıa Ábdimálik alty upaı jınap, erler arasynda 15 oryn, al áıelder arasynda birinshi oryn aldy. Týrnır qorytyndysynan keıin Jansaıa Ábdimálik áıelder arasynda álemdik reıtıngte úzdik 35 shahmatshynyń qataryna kiredi. Jaqyn arada ótetin FIDE prezıdenttik keńesinde shahmattan erlerge beriletin halyqaralyq dárejedegi sport sheberi ataǵymen marapttalatyn Qazaqstandaǵy resmı birinshi qyz bolady», — dep habarlaıdy shahmat Akademııasy. Jansaıa Ábdimálik — qazaqstandyq shahmatshy, qyzdar arasynda tórt dúrkin álem chempıony, áıelder arasynda halyqaralyq dárejedegi sheber jáne grossmeıster. 2013 jyldyń qorytyndysy boıynsha qazaqstandyq sportshy qyz FIDE-niń azııalyq federasııasynda Azııada 20 jasqa deıingi úzdik shahmatshy dep tanylǵan bolatyn. 2016 jyldyń jeltoqsan aıynda áıelder arasynda Polshada grossmeısterler arasynda ótken halyqaralyq týrnırde qazaqstandyq shahmatshy birinshi oryn alǵan.