Jalpyhalyqtyq talqylaý oı men sóz erkindiginiń kórinisi

Qazaqstan Respýblıkasy Parlamentiniń qos palatasynyń birlesken otyrysynda el taǵdyrynyń asa mańyzdy máselesi Qazaqstan Respýblıkasy Konstıtýsııasyna ózgerister engizý jónindegi másele qaraldy. О́z sózinde Elbasy Nursultan Ábishuly Nazarbaev konstıtýsııalyq ózgeristerdiń tarıhı mańyzy jóninde ulaǵatty sóz aıtty. Qazaqstannyń kezekti demokratııalyq qadamy kezinde Konstıtýsııalyq ózgeristerge búkilhalyqtyq talqylaý barysynda kelip túsken usynystardyń barlyǵy egjeı-tegjeıli zerttelip, olardyń barlyǵy da osy qos palatanyń birlesken otyrysyna usynylyp otyrǵanyn Elbasy óz sózinde aıtyp ótti. Bizdiń qoǵam ósip-órkendep, táýelsizdigimizdiń jıyrma bes jyldyǵynda álemdik arenaǵa tanylǵan memleketterdiń birine aınaldy. Elbasy osy konstıtýsııalyq reformalardy búkilhalyqtyq talqylaýǵa usynǵan kezinde sóılegen sózinde «Dúnıe ózgerip kele jatyr. Sondyqtan biz de zamannyń úderisine qaraı, zaman­nyń talabyna qaraı ózimizdiń memlekettik júıemizdi ózger­tetin reformalar jasaýymyz kerek», degen bolatyn. Osy jolǵy talqylaýǵa búkil qoǵamdyq uıymdardyń, barlyq qazaq­stan­dyqtardyń oı-pikirleriniń ashyq aıtylýyna jaǵdaı jasal­ǵanyn kórip otyrmyz. Baspasózde, teledıdarda, ınternet jeli­lerde osy másele aıqyn talqylandy. Osyǵan qaraǵanda qazaq­standyq qoǵamnyń demokratııalanýy, memlekettiktiń nyǵaıǵany, elimizdegi yntymaq pen birliktiń nyǵaıǵany baıqalady. Qos palatanyń birlesken otyrysynda kún tártibine qoıylǵan másele bizdiń máńgilik el bolýǵa, eń damyǵan otyz eldiń qataryna qosylý jolynda ózimizdiń eldik múddemizdi oryndaýǵa tolyq múmkindik beretin ózgeris bolatynyna bek senimdimiz. Jabal ERǴALIEV, Parlament Senatynyń depýtaty