Úkimettiń jaýapkershiligin joǵarylatatyn reforma

  Prezıdenttiń keı quzyretteriniń zań shyǵarýshy organǵa berilýi Parlamenttiń rólin kúsheıtedi jáne Úkimetke ekonomıkany basqarý, ıaǵnı memlekettik baǵdarlamalardy bekitý, onyń oryndalýyn qamtamasyz etý fýnksııasy beriletin bolady. Osy arqyly Úkimettiń Parlamentke ózi­niń atqaryp jatqan jumystary týraly esep berýi zań shyǵarýshy organdardyń atqarýshy bılik jumysynyń sapasyna baqylaý jasaýyna múmkindik bermek. Meniń oıymsha, bul Úkimettiń halyq aldyndaǵy, Parlament aldyndaǵy jaýapkershiligin arttyratyn bolady. Sonymen qatar, Parlamenttiń jalpy baqylaý fýnksııasyn keńeıtýge óz áserin tıgizedi. О́ıtkeni, Úkimet Parlamentke óziniń sheshimderi týraly, negizgi baǵyttary týraly baıandap otyrady. Sol kezde depýtattar Úkimet sheshimderine túzetý engizýge múmkindik alady. Bul jalpy elimizdiń damýyna oń áserin tıgizetin bolady. Nurtaı SABILIаNOV, Parlament Májilisiniń depýtaty