"Qaırat" Qazaqstan Sýperkýbogynyń ıegeri atandy

"Qaırat" Qazaqstan Sýperkýbogynyń ıegeri atandy. Bul synda almatylyqtar óz alańynda "Astana" komandasymen kezdesip, 2:0 esebimen basym tústi. Jankúıerler tartysty básekeniń kýási boldy. Kezdesý barysynda gol soǵatyn sátter kóp bolǵanmen, esep tek 76-mınýtta ashyldy. Aıyp soqqysyn Nenad Erıch qaıtarǵanmen, dop ashyq turǵan Sesar Arzonyń aldyna kele qaldy. Ispanııalyq qorǵaýshy múmkindigin múlt jibermeı, "Qaıratty" alǵa shyǵardy. Osydan keıin bas bapker Kahaber Shadadzeden jańa nusqaýlar alǵan oıynshylar qorǵanysqa jiti kóńil bóldi. Al elordalyqtar tarazy basyn teńestirý úshin baryn salyp, qarqyndaryn údete tústi. "Astanaǵa" jańadan qosylǵan Ivan Maevskııdiń múmkindigi bolyp edi. Biraq oraıy kelgen sátte qaqpaǵa týra baǵyttaǵanmen, qaqpashy Vladımır Plotnıkov qaıtara bildi. Matchtyń aıaqtalýyna sanaýly sekýndtar qalǵanda "Qaırat" oıynshylary Abzal Beısebekovtiń qateligin paıdalynyp, qarymta shabýylǵa shyqty. Sońǵy sátte eki qorǵaýshynyń arasynan sytylyp shyqqan Islambek Qýat ekinshi goldy saldy. "Qaırat" (Almaty) - "Astana" (Astana) 2:0 Goldar: Sesar Arzo (76'), Islambek Qýat (90+3') "Qaırat": Vladımır Plotnıkov, Eldos Ahmetov, Ǵafýrjan Súıimbaev, Jarko Markovıch, Islambek Qýat, Mıhaıl Bakaev, Baýyrjan Islamhan, Isael da Sılva Barboza, Jerar Goý, Sesar Arzo, Andreı Arshavın "Astana": Nenad Erıch, Marın Anıchıch, Evgenıı Postnıkov, Dmıtrıı Shomko, Iýrıı Logvınenko, Abzal Beısebekov, Ivan Maevskıı, Patrık Tvýması, Jýnıor Kabananga, Azdren Llýlaký Tórshiler: Artem Kýchın (Qaraǵandy),Anatolıı Hodın (Atyraý), Evgenıı Belskıı (Taraz) Qosymsha tóreshiler: Danııar Sahı (Qyzylorda), Denıs Izmaılov (Taldyqorǵan) Inspektor: Aleksandr Mazmanıan.