Basym mindetter atap ótildi

Keshe Memleket basshysy Nursultan Nazarbaev Qazaq­stan Respýblıkasynyń Ishki ister mınıstrliginde bolyp, IIM-niń ujymyna Qazaqstan Respýblıkasynyń jańa Ishki is­ter mınıstrin tanystyrdy, dep habarlady Qazaqstan Respýblıkasy Prezıdentiniń baspasóz qyzmeti. Prezıdenttiń Jarlyǵymen ge­neral-maıor Qalmuhanbet Qa­symov Ishki ister mınıstri bolyp taǵaıyndaldy. Quqyq qorǵaý vedom­stvosy­nyń qyzmetkerlerine jańa Ishki ister mınıstrin tanystyra oty­ryp, Prezıdent polısııa jáne ishki ásker qyzmetkerlerine jaq­sy jumystary úshin alǵysyn aı­typ, basym mindetterdi atap ótti. – Qasymov eńbek jolyn tergeýshiden, aǵa tergeýshiden basta­ǵan. Ol zańger, ishki ister júıe­sinde ómir boıy eńbek etip keledi. Men taıaýda negizgi mindetteri belgilengen Ishki ister mınıstr­liginiń alqa máji­lisine qatystym. Búginde sondaı-aq birqatar mindetti sheshý qajet. Birinshi, mınıstr men onyń orynbasarlary vedomstvonyń óz ishindegi jemqorlyqqa qarsy is-áreketke jeke jaýap beredi. Men bul mindetti taǵaıyndalǵan bar­lyq mınıstrlerdiń aldyna qoıa­myn. Mınıstrler men olardyń orynbasarlary – óz vedomstvo­laryn­daǵy sybaılas jemqor­lyq­qa qarsy kúreske negizgi jaýap­tylar. Eger onymen mınıstr­lik­tiń basshylyǵynyń bireýi aına­lys­qan bolsa, onda búkil quram jáne mınıstr óz qyzmetinde qalýǵa quqy joq, – dedi Elbasy. – Ekinshi másele – bıznesmenderge zábir kórsetýge jol berilmeýi tıis. Biz qazir isker adam­darǵa tolyqtaı erkindik berip, isine aralaspaýǵa tıispiz. Basqa barlyq máseleler boıynsha men tártip engizemin, tekserýshi or­gan­dardy qysqartý kerek. Úshin­shi másele – kadrlardy tárbıeleý. Quramǵa jastar kóptep kelip jatady, olardy oqytý kerek. Zańdy, óz quqyqtary men mindetterin bilýleri kerek, qarapaıym adamdardyń muqtajdyqtaryn tú­siný úshin olarǵa jaqyn bolý kerek. Eger óz quqyǵyn, óz bostan­dyǵyn qorǵaý úshin ótinish bildirgen adam bolsa, polısııa qyzmet­keri oǵan kómektesýi tıis. Tur­ǵyndar onyń jumysyna qoldaý kórsetýi úshin ol turǵyndarmen etene jaqyn bolýy kerek, dedi Memleket basshysy. Árıne, dep jalǵady sózin Pre­zıdent, aldaǵy ýaqytta bizge zańnamany jetildirý kerek. Osy oraıda, biz qazir Ishki ister mınıstrligi týraly zań jobasyn ázirleýdemiz. Barlyǵyn: polısııa qyzmetkerleriniń materıaldyq jaǵdaıyn, polısııa qyzmetkerle­ri úshin áleýmettik paketti eskerý qajet, sonymen qatar, halyq al­dyndaǵy jaýapkershiligi men bedelin kóteretin ýaqyt jetti. Osy­laı degen N.Nazarbaev son­dyq­tan bárinen habardar, ıaǵnı tó­mengi jáıtti, aýyl, aýdan jaǵ­daıyn biletin adamdy taǵaıyn­dap otyrǵanyn atap kórsetti. Ol oblysta jumys istedi, búkil Qa­zaqstandy aralap shyqty, búkil júıeni, basshylyqty tanıdy. Saı­laýdan keıin halyq toptasa tústi. Qazaqstandyqtar merekelik kóńil-kúı keshýde, halyqtyń úl­ken qýanyshtar kúteri anyq. Bul bizge zor jaýapkershilikter júk­teı­di. Sizder qylmyspen alǵash ret betpe-bet kelesizder. Jergilikti jerlerdegi qatardaǵy polıseıler, jol polısııasynyń qatar­daǵy qyzmetkeri – sizder qylmyspen kúreste eldiń negizgi kúshisizder. Sizder eń úlken quqyq qorǵaý uıymysyzdar jáne elimizde quqyq qorǵaýdy nyǵaıtý jónindegi eń negizgi kúshsizder, dep atap ótti Memleket basshysy. Nursultan Nazarbaev Ishki ister mınıstrligi vedomstvo al­dyn­da turǵan barlyq mindetti iske asyratynyna senim bildirdi. ----------------------------------------- Sýretterdi túsirgender S.BONDARENKO, B.OTARBAEV.