Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti, dep habarlady akorda.kz.
Áńgime barysynda Nursultan Nazarbaev pen Vladımır Pýtın Almatydaǵy sońǵy kezdesýlerinde qarastyrylǵan máseleler turǵysynan ekijaqty yntymaqtastyqtyń meılinshe ózekti jaıttaryn talqylady.
Memleketter basshylary Vladımır Pýtınniń taıaýda Tájikstan men Qyrǵyzstanǵa barǵan saparyna baılanysty kún tártibindegi óńirlik máseleler jóninde pikir almasty.
Reseı Prezıdenti jańa ǵana aıaqtalǵan Jeneva kelissózderi aıasynda sırııalyq oppozısııanyń áskerı qurylymdarynyń Sırııadaǵy daǵdarysty retteý máselelerine arnalǵan kezekti kezdesýin bıylǵy naýryz aıynyń ortasynda Astanada ótkizýge nıetti ekenin aıtty.
Qazaqstan Prezıdenti mundaı kelissózderdi uıymdastyrýǵa daıyn ekenimizdi málimdedi.
Telefon arqyly sóılesýge Reseı jaǵy bastamashy boldy.
