Golovkın jeńilip kórmegen boksshylardyń úzdik bestigine endi

Orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın (36-0, 33 KO) brıtanııalyq BoxNation telearnasy jasaǵan jeńilip kórmegen 5 úzdik boksshynyń tizimine endi, dep habarlaıdy vesti.kz. Telarnanyń saıtynda jarııalanǵan vıdeoda Golovkın segiz boksshynyń ishinde tórtinshi orynǵa jaıǵasqan. Qazaqstandyq bylǵary qolǵap sheberdi 36 jekpe-jektiń bárinde jeńiske jetken, onyń 33-in ýaqytynan buryn aıaqtaǵan. Oǵan qosa, ol orta salmaqtaǵy eń úzdik nokaýtshy. GGG qatarynan 23 kezdesýin nokaýtpen aıaqtap, 18 márte ataǵyn sátti qorǵap qalǵan. Qazaqstandyq boksshyny tize biktirýge tek meksıkalyq Saýl "Kanelo" Alvares qaýqarly dep sanaıdy BoxNation. BoxNation reıtıngisi: 1. Roman Gonsales (46-0) 2. Vaenhong Menaıotın (45-0) 3. Deonteı Ýaılder (38-0) 4. Gennadıı Golovkın (36-0) 5. Maıkı Garsııa (36-0) 6. Hılberto Ramıres (34-0) 7. Dennı Garsııa (33-0) 8. Terrı Flenagan (32-0). Aıta keteıik, Golovkın men Djeıkobs arasyndaǵy aıqas 18 naýryzda Nıý-Iorktegi Madison Square Garden arenasynda ótedi.