Japonııa premer-mınıstriniń ókilettigi uzartyldy

Japonııa bıliginiń Lıberaldy-demokratııalyq partııasynyń ókilderi jeke ózderiniń jarǵylaryna ózgeris engizý týraly resmı sheshim qabyldady. Oǵan sáıkes, bir mezgilde eldiń úkimet basshysy bolyp esepteletin partııa tóraǵasynyń ókilettigi 6-dan 9 jylǵa deıin sozylady, dep habarlaıdy QazAqparat. Mundaı sheshim Tokıoda ashylǵan Lıberaldy-demokratııalyq partııanyń sezinde qabyldandy. Bul sheshim osy ýaqytta Japonııanyń premer-mınıstri laýazymyn atqaryp otyrǵan Sındzo Abeniń 2018 jyly otstavkaǵa ketpeı, osy qyzmetinde qalýyna múmkindik beredi. Abe óziniń kadıdatýrasyn ishki saılaýǵa usynatyn bolsa, bolashaqta, naqtyraq aıtqanda 2021 jylǵa deıin premer-laýazymynda qalýyna múmkindigi bar. Japonııalyq lıberal demokrattardyń basshysy Sındzo Abe osy elde bolǵan jalpyhalyqtyq saılaýda Demokratııalyq partııadan basym túsken soń búgingi qyzmetine 2012 jyly kirisken bolatyn jáne ol óz laýazymyn 2018 jyly bosatýy qajet edi. Alaıda, onyń partııa boıynsha jaqtastary úkimet basshysyna ekonomıkalyq reformalardy júzege asyryp, 2020 jyly Tokıoda bolatyn Olımpıadany ótkizý úshin taǵy qosymsha ýaqyt berý týraly birneshe márte bastama kóterdi.